საჰარაში მოთოვა

საჰარაში მოთოვა. "ინდეფენდენთის" ცნობით, თოვა ალჟირის ქალაქ აინ სეფრაში კვირას, დილით დაიწყო, ბავშვებს ცხოვრებაში პირველად მიეცათ საშუალება, ფერდობებზე ესრიალათ.

სამწუხაროდ, მაღალი ტემპერატურის გამო თოვლმა დნობა მალევე დაიწყო.

ბოლო 40 წლის მანძილზე უკვე მესამე შემთხვევაა, როდესაც ქალაქში მოთოვა. აინ სეფრას "უდაბნოს ჭიშკარსაც" უწოდებენ. ქალაქი 1881 წელს დაარსდა. საშუალო ტემპერატურა ზაფხულში 37 გრადუსია, ხოლო რეკორდული სიცივე, რაც ოდესმე ზამთარში დაფიქსირებულა, -10 გრადუსი.