ქვემო ქართლის გუბერნატორის ადმინისტრაციაში, შშმ პირთა საჭიროებების შესახებ სამუშაო შეხვედრა გაიმართა

შეზღუდული შესაძლებლობის მქონე პირთა გადაწყვეტილების მიღების პროცესში ჩართულობის მნიშვნელობა, არსებული დაბრკოლებები, შესაძლებლობები და გამოწვევები - ამ თემების შესახებ იმსჯელეს დღეს ქვემო ქართლში სახელმწიფო რწმუნებულის-გუბერნატორის ადმინისტრაციაში გამართულ ტრენინგზე.

შეხვედრას მხარის გუბერნატორის მოადგილე, კახა კობერიძე მუნიციპალიტეტების წარმომადგენლებთან ერთად დაესწრო. ადგილობრივი ხელისუფლებისა და არასამთავრობო სექტორის წევრებმა განსაკუთრებული საჭიროების მქონე პირთა საჭიროებებზე და საზოგადოებაში მათი ინტეგრაციის ხელშემწყობ ფაქტორებზე ისაუბრეს.

ტრენინგი ჩატარდა კავშირი "ბერილუსის" პროექტის "ჩემ შესახებ" ფარგლებში, რომელიც ხორციელდება ავსტრიის განვითარების სააგენტოსა და ღია საზოგადოების ინსტიტუტის ფინანსური მხარდაჭერით.