მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დაღესტნის მუფტის ცოლს რუსეთის პრეზიდენტობა სურს - ვისი ფავორიტია აინა გამზატოვა?
01:00 / 28-12-2017
რუსეთის პრეზიდენტობისთვის საკმაოდ მრავალფეროვანი ჯგუფი იბრძვის, - ამჯერად ადგილობრივი პოლიტოლოგები, დაღესტნის მუფტის ცოლის, აინა გამზატოვას პერსპექტივაზე მსჯელობენ, რომელმაც 2018 წლის 18 მარტს დაგეგმილ საპრეზიდენტო არჩევნებში მონაწილეობის მიღება გადაწყვიტა.
ექსპერტთა ერთი ნაწილის შეფასებით, ის კრემლთან შეთანხმებული ფიგურა არ არის და შესაძლოა, ჩრდოლოკავკასიურ ელექტორატში საკმაოდ ბევრი მხარდამჭერი ჰყავდეს. თუ გამზატოვა რუსეთის პირველი პირის სკამს, პირველივე მცდელობით ვერ მოიპოვებს, 18 მარტამდე გასავლელი გზა მისთვის საკმაოდ კარგი სტარტი იქნება...
ჟურნალ "ისლამის" მთავარმა რედაქტორმა აინა გამზატოვამ, რუსეთის ცესკო-ში თავისი კანდიდატურის წარსადგენი დოკუმენტაცია უკვე გაგზავნა. მისივე განცხადებით, - რუსეთის პრეზიდენტობისთვის ბრძოლას დამოუკიდებლად აპირებს... სასულიერო პირის მეუღლემ, ოფიციალური საარჩევნო კამპანია, რატომღაც რამდენიმე დღის დაგვიანებით დაიწყო, მაგრამ როგორც ამბობს, - ამით არაფერი დაუკარგავს, პირიქით, - ეს რამდენიმე დღე ვითარების რეალურად შესაფასებლად გამოიყენა.
"სავარაუდოდ, ამ ქალბატონის კანდიდატურა კრემლთან შეთანხმებული არ ყოფილა. მეტიც, შესაძლოა, ისინი მისი მონაწილეობის წინააღმდეგიც იყვნენ, რადგან კრემლში მისი კანდიდატურისთვის "მწვანეს ანთება" თავში აზრადაც კი არავის მოუვიდოდა. მიმაჩნია, რომ დაღესტანის მუფტის ცოლის საპრეზიდენტო არჩევნებში მონაწილეობა, სხვა თუ არაფერი, მარგინალურია..." - წერს პოლიტიკური ტექნოლოგიების ცენტრის ხელმძღვანელი ბორის მაკარენკო.
არიან ისეთი ექსპერტებიც, ვისაც მიაჩნია, რომ გამზატოვას კანდიდატურა სწორედ "რუსეთის ზედა ეშელონებშია შეთანხმებული, თუმცა, არა პირველ პირებთან... შესაძლოა, ეს ქალბატონი, თავად დაღესტნის რეგიონალური ხელმძღვანელობის მიერ იყოს წაქეზებული ან მისი კანდიდატურის წარდგენა, სულაც დაღესტნის ლიდერის კაბინეტში გადაწყდა. სავარაუდოდ, მისი პერსონა, რუსეთის მუსლიმ მოქალაქეებში იმედს გააჩენს, რომ მათი უფლებები, რუსეთში უფრო მეტად იქნება დაცული..." - წერს პოლიტოლოგი სერგეი ილინი.
პოლიტოლოგის თქმით, ძალიან მალე გაირკვევა, თუ ვისი ფავორიტია დაღესტნელი გამზატოვა. თუმცა, როგორც არ უნდა იყოს, ეს მისი მხრიდან, საკმაოდ გონივრული ნაბიჯია, რადგან ნაკლებად ცნობილი სახეებისგან ასეთი ტიპის აქტივობები, რუსეთის ფართო საზოგადოებრივ-პოლიტიკურ არენაზე გამოსვლისა და მათთვის საინტერესო კონტიგენტთან საუბრის შესაძლებლობას აძლევთ...
"არიან ისეთი ფიგურები, რომლებიც ლამის რუსეთის ყველა საპრეზიდენტო არჩევნებში მონაწილეობდნენ, - ჟირინოვსკი, იავლინსკი და სხვები, ვინც პოლიტიკურად ვეღარ იზრდებიან, მაგრამ პრეზიდენტობის ამბიცია აქვთ. თუმცა, რუსეთის პოლიტიკას ისეთებიც ჰყავს, ვინც საზოგადოებრივ-პოლიტიკურ გზაზე, საკმაოდ გავლენიან პერსონად ჩამოყალიბდნენ. მაგალითად, - ნავალნი, რომელსაც ძალიან მყარი ელექტორატი ჰყავს..." - წერს ილინი და უფრო ადრეული, 2000-იანი წლების პრეზიდენტობის კანდიდატის, უმარ ჯიბრაილოვის მაგალითიც მოჰყავს;
"ჯიბრაილოვი პრეზიდენტი ვერა, მაგრამ სენატორი გახდა. ბიზნესი აიწყო და პოლიტიკაშიც საკმაო გავლენები აქვს. ამ მხრივ არც ქსენია სობჩაკი უნდა დაგვავიწყდეს, - ძნელი სათქმელია, რამდენად აქვს მას პრეზიდენტობის შანსი, მაგრამ ამ ამბების მერე, ოფიციალური პუბლიკისთვის უფრო საინტერესო "შოუ-ვუმენი" გახდება" - აცხადებს ილინი.
რუსი პოლიტიკოსები აქტიურად საუბრობენ იმაზეც, რომ ბოლო ხანებში ტენდენცია იცვლება ჩრდილოეთ კავკასიაში, სადაც ქალი საკმაოდ აქტიური ფიგურა ხდება. "წლების წინ, ეს ასე არ იყო. ახლა კი, თანდათან საზოგადოებაში ქალების სოციალიზაცია ხდება, რაც ისლამის სხვანაირი თვალით დანახვასა და აღქმას გულისხმობს", - მიაჩნიათ მათ.
ამასთან, ისიც უნდა აღინიშნოს, რომ თავად ისლამის მიმდევრები, დაღესტნის მუფტის ცოლის გადაწყვეტილებით მაინც და მაინც არ აღფრთოვანებულან. ისლამოლოგისა და ლინგვინისტის, რომან სილანტევის შეფასებით, პრეზიდენტობის კანდიდატმა აინა გამზატოვამ შესაძლოა, ამომრჩეველთა ხმების 2 მილიონზე მეტი მიიღოს.
"არ ვიცი, რის საფუძველზე მიიღო გამზატოვამ ეს გადაწყვეტილება, - შესაძლოა, ამისკენ მუსლიმურ საზოგადოებაში მისი მეუღლის მაღალმა ავტორიტეტმა უბიძგა. ყოველ შემთხვევაში, მისი სურვილის წინააღმდეგ ვერ წავიდოდა... რაც შეეხება მის შედეგებს, - მუსლიმურ საზოგადოებაში, მას 2 მილიონამდე ადამიანი დაუჭერს მხარს. თუ ხმებს სამართლიანად დათვლიან, - ალბათ უფრო მეტი..." - აცხადებს რომან სილანტევი Интерфакс -თან საუბრისას.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
