მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გილოცავთ არჩეულ მერებს, პარტიებსა და მაჟორიტარ კანდიდატებს"-ნინო წილოსანი მიმართვას ავრცელებს
07:23 / 09-11-2017
ჩოხატაურის ახლად არჩეულ საკრებულოში ქალების რაოდენობა გაიზარდა - საკრებულოში 7 ქალია (წინა მოწვევის საკრებულოში 5 ქალი წევრი იყო), აქედან 5 - "ქართული ოცნებიდან", ამის შესახებ ახალარჩეულ მერებისა და და საკრებულოებისადმი ლანჩხუთი-ჩოხატაურის მაჟორიტარი დეპუტატის ნინო წილოსანის მიმართვაშია ნათქვამი.
დეპუტატის ინფორმაციით, თვითმმართველობის არჩევნები გურიაში მშვიდ ვითარებაში წარიმართა, არჩევნებში "ქართულმა ოცნებამ" საუკეთესო შედეგები მიიღო.
"ლანჩხუთის განვითარებაზე მომავალი 4 წელი ალექსანდრე სარიშვილი იზრუნებს - ახალგაზრდა პოლიტიკოსი, რომელსაც ლანჩხუთელებისგან მართლაც რომ დიდი მხარდაჭერა აქვს - 68%. ასევე დიდ პასუხისმგებლობას გვაკისრებს ის ფაქტი, რომ ლანჩხუთის საკრებულოში 17 მაჟორიტარიდან 17-ვე "ქართული ოცნების" წარმომადგენელია.
ჩოხატაურის მერის თანამდებობას კი მეორე ვადით ჩაიბარებს ირაკლი კუჭავა. მას კიდევ 4 წელი ეძლევა იმისთვის, რომ ბევრი დაწყებული კარგი საქმე დაასრულოს და ახალი საინტერესო პროექტები განახორციელოს. ჩოხატაურის საკრებულოშიც 23 მაჟორიტარიდან 21 "ქართული ოცნების" წარმომადგენელი იქნება.
არ შემიძლია, არ აღვნიშნო, რომ ჩოხატაურის ახლად არჩეულ საკრებულოში ქალების რაოდენობა გაიზარდა - საკრებულოში 7 ქალია (წინა მოწვევის საკრებულოში 5 ქალი წევრი იყო), აქედან 5 - "ქართული ოცნებიდან".
არჩევნების საბოლოო შედეგებს ცესკო ოფიციალურად რამდენიმე დღეში გამოაცხადებს და როგორც კი ეს გარდამავალი პერიოდი დასრულდება, ახალარჩეულმა მერებმა და თვითმმართველობის ორგანოებმა წამი არ უნდა დაკარგონ იმ მისიის შესასრულებლად, რაც მათ ხალხის ასეთმა დიდმა ნდობამ დააკისრა.
დავიწყოთ იმით, რომ ორივე რაიონში საკმაოდ ბევრია გასაკეთებელი ზოგადი სოციალური ფონის გასაუმჯობესებლად.
კონსტიტუციის ახალ რედაქციაში გაჩნდა მკაფიო ჩანაწერი - სოციალური სახელმწიფოს პრინციპი. ამით სახელმწიფო უკვე კონსტიტუციურ დონეზე იღებს ვალდებულებას, მაქსიმალურად დაეხმაროს მოსახლეობას ეკონომიკური განვითარების ფარგლებში. რა თქმა უნდა, სიტყვის ფართო მნიშვნელობით ნებისმიერი სახელმწიფო არის სოციალური, ე.ი. საზოგადოებრივი ინსტიტუტი, მაგრამ მოცემულ შემთხვევაში სოციალური სახელმწიფოს ცნება გამოიყენება იმაზე აქცენტის გასაკეთებლად, რომ სახელმწიფო გამოდის ადამიანისათვის ღირსეული ცხოვრების დონის შექმნის გარანტად, განსაკუთრებით ისეთ სფეროებში, როგორიცაა შემოსავლების დონე, საცხოვრებლით უზრუნველყოფა, ჯანმრთელობის დაცვა, ხელმისაწვდომი განათლება და კულტურა.
სახელმწიფომ სოციალური ფონის გასაუმჯობესებლად ბოლო წლებში ბევრი რამ გააკეთა, სოციალურად დაუცველი ფენებისათვის არაერთი დახმარების პროგრამა არსებობს, თუმცა ამ მიმართულებით კიდევ საკმაოდ არის სამუშაო - იქნება ეს უმუშევრობა, სიღარიბე, გარემოს დაბინძურება...
იუსტიციის სამინისტროსთან აქტიური მუშაობით გადაწყდა, რომ ლანჩხუთში აშენდება საზოგადოებრივი ცენტრი. თანამედროვე ინფრასტრუქტურითა და უახლესი ტექნიკით აღჭურვილ სივრცეში მომხმარებელი სახელმწიფო და კერძო სექტორის 200-ზე მეტი სერვისით ისარგებლებს. ცენტრში მოქალაქეთათვის ხელმისაწვდომი იქნება უფასო ინტერნეტი, კომპიუტერები, ვიდეოკონფერენციის აპარატურა და თანამედროვე ელექტრონული ბიბლიოთეკა. მოეწყობაშეხვედრების ოთახი, რომელსაც სამოქალაქო საზოგადოება, ცენტრალურ და ადგილობრივ ხელისუფლებაგამოიყენებენ ადგილობრივ მოსახლეობასთან აქტიური კომუნიკაციისთვის, მათთვის ახალი სერვისების, ინიციატივების, საკანონმდებლო ცვლილებების გასაცნობად და მოსახლეობის ინფორმირებულობის ასამაღლებელი სხვადასხვა ღონისძიებების ჩასატარებლად.
წლის ბოლომდე დამთავრდება ჩოხატაურსა და ლანჩხუთში საგანგებო სიტუაციების კოორდინაციისა და გადაუდებელი დახმარების ცენტრების მშენებლობა, სადაც სათანადო პირობები შეიქმნება როგორც პერსონალის, ასევე პაციენტებისთვის. სამედიცინოდახმარებისბრიგადებსეყოლებათ თანამედროვე აპარატურით აღჭურვილი მანქანები, რათა მოსახლეობის დახმარებისთვის დროული და ადეკვატური რეაგირება მოახდინონ ნებისმიერ სიტუაციაში, მათ შორის - ბუნებრივი მოვლენების, სტიქიური უბედურებების და კატასტროფების დროს.
ჯანდაცვის სერვისების ხელმისაწვდომობის მიმართულებითხელისუფლებაში "ქართული ოცნების" მოსვლის პირველი დღიდანვე ბევრი რამ გაკეთდა და ეს პროცესი კვლავ აქტიურად გრძელდება.
ასევე, ლანჩხუთში გაიხსნება ჭადრაკისსახლი, რომელიც აქ ერთ დროს არსებობდა, თუმცა ის შენობა, სამწუხაროდ, დაიწვა. ახლა ამ მიზნით მუნიციპალიტეტს გადაეცა ფართი, სადაც სულ მალე რემონტიც დაიწყება. ჩვენ იქ მოვაწყობთ სათანადო გარემოს და ხელს შევუწყობთ ახალგაზრდა თაობაში აზროვნების, ლოგიკის, ყურადღებისკონცენტრაციის, თვითკრიტიკის განვითარებას, გამარჯვებისაკენ სწრაფვას.
ამავე შენობაში განთავდება ასევე ახალგაზრდებისთვის ძალიან საინტერესო კიდევ ერთი პროექტი - გლობალური დასაქმების ონლაინპლატფორმა "ციფრული მოქალაქე" (Digital Citizen)."ციფრული მოქალაქე" ნებისმიერ მსურველს შესაძლებლობას აძლევს, მსოფლიოს მასშტაბით მოიძიოს თავისი ცოდნის შესაბამისი სამუშაო პოზიცია, გააკეთოს ონლაინ განაცხადი ვაკანტურ სამუშაოებზე და დასაქმდეს.ეს იქნება საკმაოდ კომფორტული სივრცე იმისათვის, რომ ახალგაზრდებმათავიანთი ნიჭი გამოავლინონ და მიაღწიონ მიზანს. მათ გაეხსნებათ საზღვრები და თავიანთი ცოდნით შევლენ გლობალურ კონკურენციაში. ეს არის ის, რაც მოგვიტანა ციფრულმა განვითარებამ და ამ ნაწილში ჩამორჩენის უფლება არ გვაქვს.
2018 წელს ლანჩხუთი-ჩოხატაური პროგრამული ბიუჯეტზე გადასვლას გეგმავს. ეს ჩემი ინიციატივაა და ადგილობრივი თვითმმართველობების მეშვეობით რაც შეიძლება ეფექტურად უნდა განხორცილედეს. პროგრამული ბიუჯეტი ტრადიციული სტრუქტურის ბიუჯეტისგან იმ უპირატესობით გამოირჩევა, რომ ის დაგეგმვის პროცესიდანვე შედეგზეა ორიენტირებული. პროგრამულ ბიუჯეტში მთავრობის ხარჯები კონკრეტული პროგრამების და არა სამინისტროების მიხედვით არის დაყოფილი. ამით უფრო თვალსაჩინო იქნება მიზეზ-შედეგობრივი კავშირები კონკრეტულ ღონისძიებაში ჩადებულ ფინანსურ რესურსებსა და მიღებულ შედეგებს შორის.კერძოდ, ეკონომიკური განვითარების და თანამშრომლობის ორგანიზაციის (OECD) განსაზღვრებით, აღნიშნული წარმოადგენს "ბიუჯეტირების ფორმას, რომელიც აკავშირებს გამოყოფილ რესურსებსა და გაზომვად შედეგებს".
წინ კიდევ ბევრი მიზანია დასახული და შესასრულებელი.
გილოცავთ არჩეულ მერებს, პარტიებსა და მაჟორიტარ კანდიდატებს ხალხის ასეთ მხარდაჭერას და გისურვებთ წარმატებულ საქმიანობას სწორედ ამ ხალხის ცხოვრების დონის ასამაღლებლად.
მე კვლავ ველოდები თქვენგან მონდომებას, შრომას და რეალურ საჭიროებებზე ორიენტირებული ნაბიჯების გადადგმას, პრობლემების სწორად იდენტიფიცირებას და პრიორიტიზებას, მკაფიო და მიღწევადი მიზნების დასახვას და შესრულებას.
მე კი, ჩემი მხრიდან, კვლავ გავაგრძელებ ჩემი კუთხის ინტერესებისდაცვას და როგორც საკანონმდებლო დონეზე, ასევე აღმასრულებელ ხელისუფლებასთან მუშაობით, ვიბრძოლებ ჩემი ხალხისთვის ღირსეული ცხოვრების პირობების შესაქმნელად," - წერს ნინო წილოსანი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
