მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რუსეთი ჯერ არ არის მზად, სამხრეთ ოსეთი მიიერთოს..."
04:34 / 24-09-2017
"ჯერ კონკრეტული თარიღი არ ვიცით, მაგრამ სამხრეთ ოსეთში, რუსეთის მიერთების თაობაზე რეფერენდუმი ჩატარდება", - აცხადებს ცხინვალის რეგიონის ე.წ. პრეზიდენტი ანატოლი ბიბილოვი, რომლის თქმითაც, ამის შესახებ მოსკოვთან კონსულტაციები მიმდინარეობს.
რუსულ საინფორმაციო სააგენტო ТАСС-სთან ინტერვიუში ანატოლი ბიბილოვმა აღნიშნა, რომ რეფენდუმის თემა არ გადადებულა და არც არავის დავიწყებია, უბრალოდ, მისი ჩატარების დეტალები ზუსტდება და მიმდინარე წელს აუცილებლად ჩატარდება.
ბიბილოვის თქმით, "არის ძალიან ბევრი სუბიექტური და ობიექტური მიზეზი, რაც ოს ხალხს გარკვეულწილად აფერხებს კიდეც, თუმცა ყვეელას კარგად ესმის, რომ რუსეთის ფედერაციაში შესვლა ჩვენთვის სასიცოცხლოდ მნიშვნელოვანია".
მისივე თქმით, ის, თუ როდის ჩატარდება რეფერენდუმი, ეს კონსულტაციებისა და მოლაპარაკებების დასულებაზეა დამოკიდებული. აუცილებელია, ყველა ეტაპის ნაბიჯ-ნაბიჯ გავლა. "ყველაფერი შეიძლება მოხდეს, რადგან მსოფლიო ძალიან იცვლება", - აცხადებს ბიბილოვი.
როგორც ოსურ მედიაში აცხადებენ, იყო დრო, როდესაც ბიბილოვი - პოლიტიკური პარტია "ერთიანი ოსეთის" ლიდერი - სრულიად სხვა იდეებით გამოდიოდა და მის წინამორბედს რუსეთთან ასეთი მიჯაჭვულობის გამო მუდმივად აკრიტიკებდა, თუმცა, მისი "წინასაარჩევნო პროგრამა", სწორედ რუსეთთან მეტ ინტეგრაციას ეხებოდა.
მაშინდელი სპიკერი, არც ისე დიდი ხნის წინ, მწვავე ოპონირებას უწევდა ლეონიდ თიბილოვს და ცდილობდა, დაემტკიცებინა, რომ შიდა პოლიტიკური საკითხები რუსეთის ჩარევის გარეშეც უნდა მოგვარებულიყო. რაც შეეხება, თავად ოს ხალხს, მათი მეხსიერებაც საკმაოდ მოკლე აღმოჩნდა, რადგან არც ისე დიდი ხნის წინ, მათ "დამოუკიდებლობა" იზეიმეს.
ოსური მედიის ინფორმაციით, თავად ლეონიდ თიბილოვი, ამ საკითხზე რეფერენდუმის ჩატარების წინააღმდეგი იყო და თავის გუნდს სთავაზობდა, ძალაუფლება მათ ხელში ყოფილიყო, იდეები კი, დამოუკიდებლად განეხორციელებინათ და თუ ამას თავად ვერ მიაღწევდნენ, მხოლოდ ამ შემთხვევაში, უკვე 2016 წელს ჩაეტარებინათ რეფერენდუმი.
თავის მხრივ, მოსკოვმა "თავის მოკავშირესთან" სამუშაო ვერსია "დააკორექტირა" და რეფერენდუმის ჩატარების ვადა ერთი წლით გადაწია. თუმცა, 2017 წლის აპრილის "საპრეზიდენტო არჩევნებში" გამარჯვებულმა ანატოლი ბიბილოვმა, ამის გაკეთება არც "ხელისუფლების გადაბარების" შემდეგ იჩქარა. რუსული მედიის თქმით, მათ ხელისუფლებას იქ "ზედმეტი ფორმალობა და მისი თანმდევი ვალდებულებები არ სჭირდება, - ისედაც ყველაფერს აგვარებს".
კავკასიის საკითხებში რუსი ექსპერტის, ნოკოლოზ სილაევის თქმით, რახან რუსეთის შემადგენმლობაში შესვლასთან დაკავშირებით, რეფერენდუმის ჩატარების საკითხი დადგა, ეს ნიშნავს, რომ აუცილებლად უნდა ჩატარდეს. "თუმცა, ამ თემასთან დაკავშირებით აუციელებელია, სიფრთხილე. რუსეთი ახლა არ არის მზად სამხრეთ ოსეთი შეიერთოს. ეს რუსეთის პრეზიდენტის განცხადებიდანაც ნათელია, თუმცა, ძალზე მნიშვნელოვანია, რომ ჩვენ სამხრეთ ოსეთთან, როგორც დამოუკიდებელ სახელმწიფოსთან ურთიერთობას აღრმავებს", - აცხადებს ის, თუმცა მისივე თქმით, საინტერესოა, რატომ არ არის მზად "სამხრეთ ოსეთი" რუსეთის შემადგნელობაში შესასვლელად რეფერენდუმი ჩაატაროს, მით უფრო, რომ ბიბილოვის "წინასაარჩევნო პროგრამის" ერთ-ერთი სლოგანი სწორედ ეს იყო.
"შესაძლოა, სამხრეთ ოსეთში ფიქრობდნენ, რომ რუსეთი, ცხინვალთან დაკავშირებით, მათთვის მისაღებ ნაბიჯებს გადადგამდა, თუმცა, ახლა რუსეთში ამის გაკეთებას არავინ აპირებს. სწორედ ამიტომ წელვას დროს ბიბილოვი, რომელიც პერიოდულად ასეთი შინაარისის განცხადებებით, "ცრუ გასროლას" ახორციელებს... ასე რომ, მან ამომრჩეველს უნდა აუხსნას, რომ ახლა ისეთი ვითარება არ არის, როგორიც 2014 წელს იყო, ეს მნიშვნელოვანია, რათა ოსი ხალხის უფლებები არ შეილახოს", - აცხადებს სიალაევი.
ცხინვალელი ექსპერტის, იურის ვაზაგოვის თქმით, ის, რომ რუსეთის შემადგენლობაში შესვლის თემა აქტუალობას არ კარგავს, ბევრი მიზეზით აიხსნება. "რაც შეეხება სამხრეთ ოსეთის ხელმძღვანელობას, მისი განხორციელება მხოლოდ მისი კი არა, საერთაშორისო კონიუქტურის საკითხია, რადგან რუსეთის საპასუხო ქმედებების შემთხვევაში, შესაძლოა, კავკასიაში გეოპოლიტიკური ვითარება შეიცვალოს", - მიაჩნია ვაზაგოვს.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
