მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მუსიკალური პროექტი Made in Georgia ქართველი და ჰოლანდიელი მუსიკოსების მონაწილეობით
07:23 / 25-05-2017
ქართველი და ჰოლანდიელი მუსიკოსების მონაწილეობით საქართველოში საერთაშორისო მუსიკალური პროექტი Made in Georgia ხორციელდება.
ჰოლანდიის ჩასაბერ ინსტრუმენტთა ანსამბლი Netherlands Wind Ensemble რამდენიმე წელია საერთაშორისო პროექტს "Made in"-ის ახორციელებს. ამჯერად ანსამბლმა პროექტისთვის საქართველო შეარჩია. NBE საქართველოში ქართველ მუსიკოსებთან ერთად, რომელთა რიგებში ნიაზ დიასამიძე, ლევან ცხადაძე, გორის ქალთა გუნდი, ანჩისხატის გუნდი და ფოლკლორული ანსამბლი არიან, ქართველ მსმენელს სპეციალურ საკონცერტო პროგრამას 25-დან 28 მაისის ჩათვლით შესთავაზებენ.
კონცერტები საქართველოში რამდენიმე ადგილას ჩატარდება, მათ შორის კონსერვატორიის დიდ დარბაზშში, ვაკის პარკში - "კლუბი 33ა", ლოპოტას ტბის დასასვენებელ კომპლექსში და თელავის თეატრში. ორგანიზატორების თქმით, პროექტის ფარგლებში 5-19 ოქტომბრამდე, ჰოლანდიის რამდენიმე ქალაქში 10 კონცერტი ჩატარდება, მათ შორის, ამსტერდამში, უტრეხტში, ედეში, ჰარლემში, ჰააგაში და ტილბურგში. საკონცერტო ტურნეს დასრულების შემდეგ NBE-ის შემოქმედებითი ჯგუფი სპეციალურ დოკუმენტურ ფილმს გადაიღებს საქართველოში მათი მოგზაურობის შესახებ, რომლის პრემიერაც ჰოლანდიაში შემოდგომაზე გაიმართება.
ჰოლანდიის ჩასაბერ ინსტრუმენტთა ანსამბლის ხელმძღვანელის ბარტ შნეენმანის თქმით, საქართველოს არჩევის მიზეზი მისი მუსიკალური მრავალფეროვნება გახდება.
"საქართველო ძალიან საინტერესო და ღრმა ქვეყანაა თავისი კულტურით. ჩვენ მოვისმინეთ, შევიგრძენით და შევისწავლეთ გენიალური ქართული მუსიკა და სწორედ ეს გახდა ამ პროექტის შექმნის მიზეზი", - განაცხადა ბარტ შნეენმანმა.
ღონისძიების ერთ-ერთი ორგანიზატორის ლევან ცხადაძის თქმით, პროექტის შექმნის იდეა წელიწად-ნახევრის წინ დაიბადა, მისივე თქმით ჰოლანდიურ ანსამბლს დიდი ხანია სურდა საქართველოში ჩამოსვლა:
"ამ პროექტის მთავარი ამბავი არის ის, რომ ჰოლანდიურმა ანსამბლმა ქართული მუსიკოსები მოიძია, რაც საქართველოში მეტ-ნაკლებად ხდება. ამ დღეების განმავლობაში ქართველი და ჰოლანდიელი მუსიკოსების ძალიან კარგი ნაზავი იქნება შემოთავაზებული", - განაცხადა ლევან ცხადაძემ.
ორგანიზატორების თქმით, მნიშვნელოვანია, რომ პრექტი Made in Georgia ქვეყნის ფარგლებს გარეთ გადის და ჰოლანდიელი მსმენელი ქართული კულტურის გაცნობას შეძლებს. პროექტი საქართველო-ჰოლანდიას შორის დიპლომატიური ურთიერთობების 25 წლისთავს ეძღვნება.
ნიდერლანდების სამეფოს საგანგებო და სრულუფლებიანი ელჩის იოჰანეს დუმას თქმით, ეს ორ ქვეყანას შორის დიპლომარტიური ურთიერთობების 25 წლისთავია, რომელსაც ერთად აღვნიშნავთ:
"ჩვენ დავპატიჟეთ მეგობრები. ისინი საქართველოში ნიდერლანდებიდან ჩამოვიდნენ, ისე როგორც ქართველები ჩადიან ნიდერლანდებში. სწორედ ეს არის იმ ურთიერთობის სიმბოლო, რომელიც ჩვენ გვაქვს. ამას საქართველოში ბიზნესი უჭერს მხარს, ნიდერლანდებში კი საქართველოს მთავრობა, საელჩო და საქართველოს საკონსულო ამსტერდამში. ჩვენ ამ ყველაფერს ერთობლივად აღვნიშნავთ. ველოდებით იმ ლამაზ საღამოებს, რომლებიც უახლოეს დღეებში გველის და იმ წარმოდგენებს, რომლებიც ქართველების მონაწილეობით ნიდერლანდებში გაიმართება", - განაცახადა იოჰანეს დუმამ.
Netherlands Wind Ensemble ჰოლანდიელი მუსიკოსებისგან შემდგარი ორკესტრია, რომელიც მსმენელს მდიდარ რეპერტუარს სთავაზობს სხვადასხვა ჟანრის მუსიკის ორიგინალური ინტერპრეტაციებითა და მრავალფეროვანი კულტურული თავისებურებებით. NBE მსოფლიოს მასშტაბით არაერთ მუსიკოსთან, კომპოზიტორთან, პოეტთან თუ შემსრულებელთან თანამშრომლობს. მათი მიზანია მსმენელს მუდმივად საინტერესო და განახლებადი პროგრამა შესთავაზოს.
Netherlands Wind Ensemble 1961 წელს დაარსდა. 1988 წლიდან ანსამბლის სამხატვრო ხელმძღვანელი ცნობილი ჰოლანდიელი მუსიკოსი, ჰობოისტი ბარტ შნეენმანია, რომელმაც განსაკუთრებული როლი ითამაშა NBE-ის ტრანსფორმაციაში და მისი პროგრამები მულტიკულტურული და მრავალფეროვანი გახადა. სცენაზე NBE-ის მუსიკოსები გამოირჩევიან განსაკუთრებული ვირტუოზულობითა და იმპროვიზაციით, რაც მათ მსმენელს აღაფრთოვანებს. გარდა საკონცერტო მოღვაწეობისა, NBE-ის აქვს სპეციალური საგანმანათლებლო პროგრამები, ანსამბლის წევრები ახალგაზრდა ტალანტებს წარმატების მიღწევაში ეხმარებიან. NBE-ის განსაკუთრებული კავშირები აქვს ჰოლანდიის სამეფო ოჯახთან.
პროექტის Made in Georgia მხარდამჭერები არიან ჰოლანდიის საელჩო საქართველოში, კულტურის და ძეგლთა დაცვის სამინისტრო, თიბისი ბანკი, სასტუმრო Grove Design Hotel, ჟურნალი Georgia To See და ლოპოტას ტბის დასასვენელი კომპლექსი.
თათია ახვლედიანი
AMBEBI.GE
(R)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
