მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
გაიცანით პანკისელი ტყუპები, რომლებსაც მშობლები 26 წელი ელოდნენ
04:26 / 07-04-2016
26 წლიანი ლოდინის შემდეგ, 45 წლის ცირა მუზიკაშვილი ერთდროულად სამი ტყუპის დედა გახდა. აბდულ ქერიმ, მუჰამედ და მელინა მუზიკაშვილები ღუდუშაურის კლინიკაში თვენახევრის წინ დაიბადნენ.
- მთელი ჩემი ცხოვრება ვნატრობდი შვილს და ვერც ვიფიქრებდი, ერთად სამი შვილის დედა თუ გავხდებოდი. თავდაპირველად მითხრეს, ორი ბიჭი და ერთი გოგო გეყოლებაო, შემდეგ კი პირიქით. პირველი აბდულ ქერიმი დაიბადა, შემდეგ მუჰამედი, მეგონა მესამეც ბიჭი იქნებოდა და ჩემმა ექიმმა რეზო სულუხიამ თქვა, ფუფალა დაიბადაო, ძალიან გამეხარდა. მუჰამედი - 1.700, მელინა - 1.600, აბდულ ქერიმი კი 1.500 გრამი დაიბადა. ბიჭებს ჩემმა მამამთილმა შეურჩია სახელი. გოგონას - მე. ინვიტრო განაყოფიერების პირველი ორი ცდა უშედეგო აღმოჩნდა, მესამედ გამიმართლა. ასე მგონია, ჩემზე ბედნიერი არავინ არის. მინდა ვიყვირო, მთელმა მსოფლიომ გაიგოს ჩემი ბედნიერება. მემკვიდრე ყველას უნდა, პანკისში კი ამას განსაკუთრებული მნიშვნელობა აქვს. თუ ქალს შვილი არ უჩნდება, მამაკაცს მეორე ცოლი მოჰყავს. თუმცა, ჩემს ოჯახში ამაზე საუბარი არასდროს ყოფილა.- საქართველოში გაიკეთეთ ინ-ვიტრო განაყოფიერება?- ჩემი ექიმის თათია ტუღუშის რჩევით წავედი უკრაინაში, სადაც გავიკეთე ხელოვნური განაყოფიერება და გავხდი სამი შვილის დედა. შვილი ძალიან მინდოდა, ექიმებს ყველაფერს ვუჯერებდი, ორჯერ ვიწექი შენარჩუნებაზე ღუდუშაურში. როცა გავიგე, რომ სამი შვილის დედა გავხდებოდი, ცოტა შემეშინდა, ვიფიქრე ასაკიც მაქვს, ჯანმრთელობაც არ მიწყობს ხელს და ხომ შეიძლება ვერ გავაჩინო-თქო, მაგრამ ყველაფერი კარგად დასრულდა. ჩემი დები დამეხმარებიან ბავშვების გაზრდაში, შემდეგ კი ძიძასაც ავიყვან. სპინალურით გავიკეთე საკეისრო კვეთა, ყველაფერი მესმოდა, ყველაფერს ვხედავდი, რეზო სულუხიას პროფესიონალიზმით ერთ წუთში გავხდი სამი შვილის დედა.
"ასეთი გაზრდილი შვილები დამახვედრეს ღუდუშაურის კლინიკის ექიმებმა. ისეთი ბედნიერი ვარ, ასე მგონია 5 შვილსაც გავზრდი" - ამბობს ცირა მუზიკაშვილი.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
