თბილისში გაზგასამართ სადგურზე მანქანა აფეთქდა

თბილისში, გურამიშვილის გამზირზე მდებარე გაზგასამართ სადგურზე აფეთქება მოხდა. როგორც შინაგან საქმეთა სამინისტროში AMBEBI.GE-ს განუცხადეს, შემთხვევა მსუბუქი ავტომობილის დატუმბვის დროს მოხდა. აფეთქების შედეგად გაზგასამართი სადგურის ოპერატორი და ავტომობილის მძღოლი მსუბუქად დაშავდნენ.

საქმეზე გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის გაუფრთხილებლობით დაზიანებას ან განადგურებას გულისხმობს, რამაც მნიშვნლოვანი ზარალი გამოიწვია.