6
აპრილიდღის ზოგადი ასტროლოგიური პროგნოზი
ნიუ-იორკში, თაიმს-სკვერზე ნამდვილი ალიაქოთი გამოიწვია უცნაურმა ფოტოსესიამ, რომლის მთავარი გმირები 65 წლის მამაკაცი და 12 წლის გოგონა იყვნენ. ზოგიერთი მამაკაცი ისე აღშფოთდა, "სასიძოსკენ" გაიწია კიდეც. თუმცა სინამდვილეში ეს არ იყო ქორწილი, ეს იყო სოციალური ექსპერიმენტი, რომელიც ცნობილმა ვიდეობლოგერმა კობი პერსინმა ჩაატარა და ამგვარად სცადა საზოგადოების ყურადღების მიპყრობა მსოფლიოს ბევრ ქვეყანაში არსებული საშინელი ტრადიციისადმი, რომელსაც უამრავი პატარა გოგონა ეწირება. ამ გოგონებს ართმევენ ბავშვობას და განათლების მიღების შესაძლებლობას.
ვიდეოზე "წყვილი" საკმაოდ შეშფოთებული გამოიყურება, განსაკუთრებით, პატარა გოგონა. მისმა დანახვამ გამვლელების უმეტესობაში შოკი და აღშფოთება გამოიწვია.
მსგავსი სოციალური ექსპერიმენტი ჩატარდა ნორვეგიაში 2014 წელს, როცა 12 წლის გოგონამ ტეამ დაიწყო პირადი ბლოგის წარმოება იმაზე, თუ როგორ გათხოვდებოდა 37 წლის კაცზე.
მაშინ ტეას ბლოგსა და წერილსაც დიდი გამოხმაურება მოჰყვა საერთაშორისო ორგანიზაციების ცნობებით, მსოფლიოში გოგონების დაახლოებით ერთი მესამედი 18 წელზე ადრე თხოვდება, ყოველი მეცხრე - 15 წლამდე ასაკში. ზოგიერთ ქვეყანაში არასრულწლოვან გოგონაზე ქორწინება კანონით ნებადართულია. მაგალითად, ბაჰრეინზე, კოსტა-რიკაზე, ბაჰამის კუნძულებზე, იორგანიაში, სლოვენიაში, აფრიკის ქვეყნებში ლეგალური ასაკი ქორწინებისთვის 15 წელია, ხოლო კუბაზე, გვატემალაში და ვენესუელაში - 14, კოლუმბიასა და ურუგვაიში - 12 (!).
ამერიკის ზოგიერთ შტატშიც მშობლების ნებართვით გოგონებს შეუძლიათ ადრე გათხოვება. მისურიში, მისისიპიში, აიდაჰოსა და ჯორჯიაში - 15 წლის ასაკია ნებადართული, ტეხასში - 14 წელი, ნიუ-ჰემპშირში - 13 წელი, მასაჩუსეტსში კი - 12 წელი.
