მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
მთვარის მეთვრამეტე დღე დაიწყება 22:24-ზე, მთვარე სასწორშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეგ არის გათახსირებული კაცი, უნამუსო ადამიანი" - რატომ დაუპირისპირდნენ ერთმანეთს ანსამბლიდან წასული ჯემალ ჭკუასელი და გიორგი უშიკიშვილი
12:48 / 29-11-2015
27 ნოემბერს, საქართველოს კულტურისა და ძეგლთა დაცვის სამინისტროსა და თბილისის მერიის მხარდაჭერით, თბილისის დიდ საკონცერტო დარბაზში "ერისიონის" 130 წლის იუბილისადმი მიძღვნილი კონცერტი ჩატარდა... მანამდე ანსამბლმა იუბილისადმი მიძღვნილი კონცერტები საქართველოს რეგიონებსა და ქვეყნის ფარგლებს გარეთ ჩაატარა.
ფოლკლორისტი გიორგი უშიკიშვილი "ერისიონის" იუბილეს სოციალურ ქსელ "ფეისბუკში" ასე გამოეხამურა:
"მისაუბრია მრავალ ადამიანთან ვინც იცის ამ ანსამბლის ისტორია და ყველა მეთანხმება. ემოცია თუმცა ჯერჯერობით ჩემს გარდა ხმას არავინ არ იღებს. დიდი ხანია ვამბობ რომ ჯემალ ჭკუასელი აყალბებს ანსამბლის ისტორიას, მაგრამ მე როგორც დილეტანტს (ეს მათი შეხედულებით) არავინ მისმენს. წელს ანსამბლს შეუსრულდა 79 წელი... თუ ვინმე დოკუმენტალურად დამისაბუთებს, რომ ვცდები, საჯაროდ მოვიხდი ბოდიშს.
მათი ლოგიკა ასეთია, რომ ისინი თავს თვლიან ლადო აღნიაშვილის გუნდის (პირველი ქართული ქორო) შთამომავლებად რომელიც 1885 წელს შეიქმნა და თუ არ ვცდები 2 წელი ფუნქციონირებდა. შემდეგ კი დაიშალა (აქვე აღსანიშნავია, რომ ეს გუნდი არ იყო ფოლკლორული და მის ხელმძღვანელად აღნიაშვილმა მოიწვია ჩეხი კომპოზიტორი და დირიჟორი იოსებ რატილი). ლადო აღნიაშვილის გუნდსა და "ერისიონს" შორის არანაირი კავშირი არ არსებობს. (თუ ვინმე შეეცდება დამისაბუთოს, რომ ვცდები, მადლობელი ვიქნები). ამ ლოგიკით დღეს საქართველოში მოქმედი ყველა ანსამბლი შესაძლებელია თავს თვლიდეს ლადო აღნიაშვილის გუნდის შთამომვალად და წელს ყველამ გადაიხადოს 130 წლის იუბილე.
რაც შეეხება "ერისიონს". 1936 წელს მოსკოვში დეკადაზე გამგზავრების წინ შეიქმნა დასავლეთ და აღმოსავლეთ საქართველოს ეთნოგრაფიული გუნდები. აღმოსავლეთ საქართველოს გუნდს ხელმძღვანელობდა სანდრო კავსაძე ხოლო დასავლეთ საქართველოს გუნდს კირილე პაჭკორია. 1937 წელს დეკადაზე გამგზავრების შემდეგ ეს ორი გუნდი გაერთიანდა და მის ხელმძღვანელად დაინიშნა კირილე პაჭკორია
წელს შესაძლებელია აღინიშნოს ქართულო ხალხური სიმღერის სცენაზე ასვლის (შესრულების) 130 წლის იუბილე, რადგან აღნიაშვილის გუნდი ქართულ ხალხურ სიმღერებსაც ასრულებდა.
დაინტერესების შემთხვევაში არქივებში არსებობს დოკუმენტაცია. მათ შორის 1937 წელს გამოცემული ბრძანება ანსამბლის დაარსების შესახებ".
"კვირის პალიტრა" დაინტერესდა რა პასუხი ჰქონდა ჯემალ ჭკუასელს უშიკიშვილის ბრალდებაზე:
- ვინც ქართულად ვერ აზროვნებს, იმას არც ქართველად მივიჩნევ. ასეთების აზრი არ მაინტერესებს ქართულ სიმღერაზე და ანსამბლებზე... გიორგი უშიკიშვილს პირადად არის ნაწყენი, რადგან უვიცი ვუწოდე და ახლაც იგივეს ვიმეორებ! მუხრან მაჭვარიანის ლექსი მახსენდება - "მე ისეთ ქართველს რა ვუთხრა, რა ვუთხრა ისეთ ამხანაგს, ვინც ვერ ახერხებს ქართულად, წერას კითხვას და ლაპარაკს..." ეგ კაცი ქართულად ვერ ახერხებს აზროვნებას, საშინლად მეტყველებს და ყოვლად არაპატრიოტი პიროვნებაა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
