"რუსთავი 2"-ს ინფორმაციით, საკონსტიტუციო სასამართლომ პარლამენტის შუამდგომლობა არ დააკმაყოფილა

საკონსტიტუციო სასამართლომ პარლამენტის შუამდგომლობა არ დააკმაყოფილა. ტელეკომპანია "რუსთავი 2"-ის ინფორმაციით, გადაწყვეტილება მოსამართლემ რამდენიმე წუთის წინ გამოაცხადა.

მათივე განმარტებით, მოსამართლეთა კოლეგიას უნდა მიეღო გადაწყვეტილება დააკმაყოფილებდნენ თუ არა პარლამენტის შუამდგომლობას 4 მოსამართლიდან 2-ის აცილების შესახებ.

პარლამენტმა დღეს კიდევ ერთი შუამდგომლობა დააყენა და მოითხოვა, რომ საქმე საკონსტიტუციო სასამართლოს პლენუმმა განიხილოს, რასაც "რუსთავი 2"-ის ადვოკატები არ ეთანხმებიან.

რა გადაწყვეტილებას მიიღებენ მოსამართლეები საკანონმდებლო ორგანოს მიერ დაყენებულ კიდევ ერთ შუამდგომლობაზე ჯერჯერობით უცნობია.