მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
არსებობს თუ არა დაპირისპირება ხიდაშელსა და წულუკიანს შორის?
09:38 / 14-08-2015
მას შემდეგ, რაც თინა ხიდაშელმა ე.წ. კაბელების საქმეზე ბრალდებულები თანამდებობებზე აღადგინა, რაც მისი თქმით, კანონის მოთხოვნის საფუძველზე მოხდა, გაჩნდა ვარაუდები, რომ ამ გადაწყვეტილებით თავდაცვის მინისტრმა პრემიერ-მინისტრი და იუსტიციის მინისტრი გაანაწყენა.
"გადაწყვეტილებას არც ვუწუნებ და არც ვუწონებ", - ასე აფასებს ხიდაშელის ქმედებას თეა წულუკიანი, რომელიც მედიასთან საკითხის კომენტრირებისას ამბობს:
"თუ თავდაცვის მინისტრი ამბობს, რომ იუსტიციის სამინისტროში არსებობს პრაქტიკები, რომელიც შეიძლება კანონთან არ იყოს შესაბამისობაში, ძალიან შორს წასულა მისი ფიქრები. მე მაქვს ორი გზა და ორი გზა ჰქონდა მასაც. მე მის გადაწყვეტილებას არც ვუწუნებ, არც ვიწონებ, რადგან ეს არ არის ჩემი საქმე და ამის უფლება მე არ მაქვს, მაგრამ იუსტიციის სამინისტროში მე მივდივარ ხოლმე მეორე გზით. მე არ მომწონს და არ არის ეს ჩემი მმართველობის სტილი, როდესაც ჩემ თანამშრომლებთან დაკავშირებით არსებობს ეჭვები, მირჩევნია ეს თანამშრომელი შინ დაელოდოს განაჩენს".
თეა წულუკიანის ამ განცხადების შემდეგ ხიდაშელი აცხადებს, რომ "წულუკიანთან კომუნიკაციის პრობლემა არ აქვს", მაგრამ იუსტიციის მინისტრის კომენტარის შემდეგ დამატებით განცხადებებს როგორც მედიასთან, ასევე "ფეისბუქზე" აკეთებს, სადაც ის საკანონმდებლო აქტები განმარტა, რომლის მიხედვითაც თავდაცვის სამინისტროში ე.წ. კაბელების საქმის ბრალდებულების სამსახურში აღდგენა მოხდა.
"1.თავდაცვის სამინისტროს თანამშრომლები არასოდეს ყოფილან გათავისუფლებული. 2. გემახსოვრებათ თავდაცვის სამინისტროს თანამშრომლებს სასამართლომ წინასწარი პატიმრობა შეუფარდა. სასამართლოს გადაწყვეტილების შესაბამისად ჩემი წინამორბედის ბრძანებით, სწორედ პატიმრობის გამო მათ ავტომატურად შეუჩერდათ უფლებამოსილება. 3. ასევე გემახსოვრებათ, სასამართლომ ამ ადამიანების აღმკვეთი ღონისძიება შეცვალა და პატიმრობა შეწყდა. ეს კი ნიშნავს რომ საფუძველი - ზევით ნახსენები აქტი, აღარ არსებობდა. 4. ჩვენ, სასამართლო გადაწყვეტილების და კანონის მოთხოვნების შესაბამისად, მათთვის შეჩერებული უფლებამოსილება აღვადგინეთ. 5. ვინმეს დამნაშავეობა/უდანაშაულობა თავდაცვის სამინისტროს განსასჯელი არ არის. ამას სასამართლი დაადგენს, ჩვენ კი კვლავაც კანონის უზენაესობის სამსახურში ვიქნებით", - წერს თავდაცვის მინისტრი "ფეისბუქის" საკუთარ გვერდზე.
ე.წ. კაბელების საქმე ერთხელ უკვე გახდა "ქართულ ოცნებაში" სერიოზული განხეთქილებისა და კოალიციის ნგრევის მიზეზი. არსებობს ვარაუდები, რომ შესაძლოა, პრემიერმა ღარიბაშვილმა თინა ხიდაშელს აღნიშნული გადაწყვეტილება რეაქციის გარეშე არ დატოვოს, რაც შეიძლება ითქვას, რომ წლების წინ გავრცელებული სატელეფონო ჩანაწერების ფონზე, რომელშიც ირაკლი ღარიბაშვილი თინა ხიდაშელზე უარყოფით მოსაზრებებს გამოთქვამდა, არც ისე მოულოდნელი იქნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
