14
მარტიდღის ზოგადი ასტროლოგიური პროგნოზი
საქართველოში აბსოლუტურად თავისუფალი, ობიექტური სასამართლო არსებობს, რომელიც ობიექტურ გადაწყვეტილებას მიიღებს, - ამის შესახებ შს მინისტრმა, გიორგი მღებრიშვილმა "რუსთავი 2"-ისთვის ქონების დაყადაღების შესახებ შეკითხვის საპასუხოდ განაცხადა.
"დღესდღეობით საქართველოში არსებობს აბსოლუტურად თავისუფალი, ობიექტური სასამართლო, რომელიც მიიღებს ობიექტურ გადაწყვეტილებას, ყოველგვარი ზეწოლებისა და სხვა ინსინუაციების გარეშე", - განაცხადა გიორგი მღებრიშვილმა.
მისივე განმარტებით, ამ საკითხზე შემფასებელი იქნება მოსამართლე.
"რუსთავი 2"-ის ინფორმაციით, "რუსთავი 2"-ის ქონების ნაწილი დაყადაღებულია.
ტელეკომპანიის ცნობით, კომპანიის კუთვნილ ავტომობილებს ქიბარ ხალვაშის სარჩელის საფუძველზე აღსრულების ეროვნულმა ბიურომ ყადაღა დაადო. ორშაბათს ცნობილი გახდება სასამართლოს გადაწყვეტილება, დაიწყება თუ არა სამაუწყებლო კომპანიასთან სამართლებრივი დავა.
"ბუნებრივია, ჩვენ ამას გავასაჩივრებთ და ეს იქნება ფართომასშტაბიანი სამართლებრივი ომი, მაგრამ არა მხოლოდ სამართლებრივი. სხვა მეთოდებიც გვაქვს, რომელსაც აუცილებლად გამოვიყენებთ, რადგან ეს მხოლოდ სამართლებრივ ჭრილში მიმდინარე დავა არ არის მოდავე მხარის ინიციატივით. მოდავე მხარე კი მხოლოდ ქიბარ ხალვაში არ არის და არის ხელისუფლება", - განაცხადა "რუსთავი 2"-ის გენერალურმა დირექტორმა ნიკა გვარამიამ.
მან "რუსთავი 2"–ის საქმეს ქართული დემოკრატიის არსებობაში ეგზისტენციალურად მნიშვნელოვანი უწოდა და განაცხადა, რომ ნებისმიერი მოსამართლე, რომელიც ხელს მოაწერს "რუსთავი 2"-ის საქმეზე უკანონო გადაწყვეტილებას, ხელს მოაწერს საკუთარ პროფესიულ სიკვდილს.
