მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას ფიქრობს ოდესა სააკაშვილის 2-თვიან გუბერნატორობაზე: "ამას გონია, ჩვენ აქ თბილისი გვაქვს, კარგი, რა!"
04:31 / 07-08-2015
"ოდესა ერთ წელში ძალიან შეიცვალა. მშვიდი გახდა. მზიანი ოდესა, როგორც იქნა, მშვიდობიანად "წველის" ტურისტებს. რუსებს ხარბად ხვდებიან, ბოლო წვეთს წურავენ. ტაქსის მძღოლები ასის მაგივრად ხუთას გრივნას ითხოვენ და ამას ველური ინფლაციით ხსნიან. და პრინციპში, არც ტყუიან. პენსია სამჯერ შემცირდა, ფასები ამდენითვე გაიზარდა, ეკონომიკა თითქმის ჩაკვდა, რუსი ტურისტები აღარ შემოდიან, მთელი საკურორტო ბიზნესი უკრაინელებზე დგას, რომლებმაც ყირიმი ოდესაზე გაცვალეს", - ასე იწყება Комсомольская правда-ს ვრცელი სტატია, რომელშიც ავტორი მიხეილ სააკაშვილის 2-თვიანი პოლიტიკური აქტივობის შესახებ ადგილობრივების მოსაზრებებს აცნობს მკითხველს. AMBEBI.GE სტატიიდან საინტერესო ფრაგმენტებს გთავაზობთ.
--------------
"ორი თვის მანძილზე, რაც სააკაშვილი ოდესის გუბერნატორი გახდა, ბევრის გაკეთება მოასწრო. და ამასთან, აბსოლუტურად არაფერი გაუკეთებია. ასეთია სააკაშვილი. ათი წლის წინ საქართველოს ახალგაზრდა პრეზიდენტმა საკონტროლო გამშვები პუნქტი ბულდოზერით თავად დაანგრია სეპარატისტული აჭარის საზღვარზე. ახლა კი ოდესაშიც იპოვნა თავისი კედელი - ჩკალოვსკის სანატორიუმის პლაჟზე პატარა მიწის მონაკვეთი, რომელიც ოლიგარქ ხმელნიცკს ეკუთვნოდა. იდეა მარტივია - აძლევ პლაჟს ხალხს. თან სააკაშვილის პროპაგანდისტული მანქანა ძველებურად მოქმედებს - ტექნოლოგიურად. კედლის დანგრევაზე დასასწრებად ჟურნალისტების აკრედიტაციაც კი გამოაცხადეს, რასაც ოდესელების მხრიდან სოციალურ მედიაში დაცინვა მოჰყვა.
მეტი რაღაა საჭირო? ამომრჩევლის ოცნებაა გუბერნატორმა ბულდოზერით ოლიგარქის კედელი დაანგრიოს. თუმცა ოვაციები არსაიდან ისმის. ოდესელებმა მხრები აიჩეჩეს; ვის რაში უნდა პატარა და არაკომფორტული პლაჟი. სამაგიეროდ, ხმელნიცკი იყო განრისხებული, რომელმაც გაიხსენა, რომ პლიაჟი ოფიციალურად შეიძინა მილიონ დოლარად და ფული მერიას გადასცა "ქველმოქმედებისთვის".
მიშა ადვილად პროგნოზირებადია. შემდეგი მის "ქართულ გრაფიკში" აეროპორტია. სააკაშვილს უყვარს უცებ რაიმე გრანდიოზულის აშენება ძირითადად, თურქული ფულით. უცებ გამოჩნდა კარგი შემთხვევა. ხუთი წლის წინ ძველი ავიაჰავანა თითქმის უფასოდ (ასეა ოდესაში მიღებული) მიიღო ბიზნესმენმა კაუფმანმა და გრანოვსკიმ. მათ პირობა დადეს, რომ საკუთარ ფულს ჩადებდნენ, ინვესტიციებს მოიპოვებდნენ და ახალ ტერმინალს ააშენებდნენ. მაგრამ ეს ხომ ოდესაა. უკრაინაში საკუთარი ფულის ხარჯვა, როდესაც სახელმწიფოს ფული არსებობს, სამარცხვინოდ ითვლება. შესაბამისად, კაუფმანმა თავის ფულიდან არაფერი დახარჯა.
რამდენიმე ფოკუსი და აეროპორტის მფლობელობის დაკარგვის შემდეგ სახელმწიფო ფაქტიურად დაკავდა საკუთარი ფულით მის მშენებლობაზე. მაგრამ ამაზე სააკაშვილმა განაცხადა, რომ აეროპორტს ქალაქს დაუბრუნებდა. კაუფმანმა სააკაშვილის შეტევა ტექნიკურად აირიდა. ოდესის სასამართლომ საკუთარი გადაწყვეტილებით დაამტკიცა აეროპორტის გარიგებს კანონიერება. სასამართლოს გადაწყვეტილების მიღების წინა ღამეს ჟურნალისტებმა კაუფმანი პოროშენკოს ადმინისტრაციიდან გამოსული დაინახეს.
შედეგად მოსამართლეებზე, პროკურორებზე და კანონმდებლებზე კონტროლის გარეშე სააკაშვილს დიდი გართულებები შეექმნა. გადაწყვიტა ოქტომბრისთვის ოდესის ცენტრში ისეთივე სერვისული ცენტრი შეექმნა, როგორიც თბილისშია, რომ ხალხს საბუთების ქრთამის გარეშე გაფორმება შეძლებოდათ. მაგრამ არ გამოუვიდა, კანონების შეცვლა იყო საჭირო. გადაწყვიტა შეეცვალა თითქმის ნახევარი ადმინისტრაცია, არ მიეცა საშუალება. ანტიკორუფციული გამოძიების ჩატარებაც პრაქტიკულად არარეალურია - კანონები ისე ეშმაკურადაა შედგენილი, რომ ჩინოვნიკის დაჭერა მხოლოდ მაშინაა შესაძლებელი, თუ ძალიან სულელ ადამიანთან გაქვს საქმე. ამბობენ, მერიაში თავიდან ძალიან შეშინდნენ სააკაშვილის დანიშვნითო. შემდეგ კი გულზე მოეშვათ პრინციპით - "ძაღლი ყეფს, ქარავანი მიდისო".
"ოდესა ყველაზე განათებული ქალაქი იქნება ევროპაში! ეს იქნება სინათლის ქალაქი" - პრეზიდენტული ჩვევით განაცხადა სააკაშვილმა. აგრეთვე მოითხოვა ქუჩებში ვიდეოკამერების დაყენება. თუმცა რა თქმა უნდა, არაფერი იცვლება ქალაქში. თუმცა რაღაც მაინც მოიფიქრა. დასაწყისისთვის მას საკრალური მსხვერპლი ჭირდებოდა. მსხვერპლი ოლოგარქი კრუგი გახდა, რომელიც საპორტო მანიპულაციებზე შოულობდა ფულს ილიჩევსკის პორტში. სააკაშვილის წამოწყება ჰერიოკულად გამოიყურებოდა. ოდესის პორტები - გრანდიოზული კორუფციული სანაგვე, სადაც ბევრი ფული ქრება. როგორც გუბერნატური დებს პირობას, თუ მართლა შემოიტანენ სტანდარტებს, სადაც ყველაფერს გადაწყვეტს არა ქურდი მესაზღვრე, არამედ კომპიუტერი, მაშინ ფული აღარ დაიკარგება და ოდესა რეალურად კარგ ცხოვრებას დაიწყებს. თუმცა მალევე ოდესაში გაიხსენეს, რომ კრუგი კოლომოისკის კაცი იყო, რომელიც პოროშენკოს მტერია. შესაბამისად, გამომძიებლები, კიევის "ომონი" და პორტის ფონზე მდგარი სააკაშვილი კიევის გათამაშებული სპექტაკლია.
ამის სემდეგ სააკაშვილი კიდევ გამოჩნდა ჰორიზონტზე. ჟურნალისტებს აგროვებდნენ ქალაქ ოვიდიოპოლში, სადაც სპორტის სასახლის ეზოში ათი ათასიანი მოსახლეობიდან სააკაშვილის სანახავად მხოლოდ ასი კაცი მოვიდა და რა თქმა უნდა, ამდენივე ჟურნალისტი. სააკაშვილმა მიკროფონი აიღო ხელში: "მე თქვენთან გასაცნობად მოვედი. ყოველ კვირას მე სხვადასხვა კუთხეებს მოვივლი და მოსახლეობას გავეცნობი. მოდით, თქვენი პრობლემების გადასაჭრელად ვართ აქ!", - შლიდა ხელებს ექს-პრეზიდენტი. და ხალხიც მივიდა და დაიწყო მოყოლა. სააკაშვილი კი აგრძელებდა გამოსვლას. სიტყვები "არამზადები", "ქურდები", "გარეწრები" ლამაზად ფრინავდა ჰაერში. მისი თქმით, ირგვლივ სუფევდა ტყუილი, ყალთაბანდობა და აბსოლუტური არაეფექტური მმართველობა. მის მოსვლამდე აქ არაფერი კეთდებოდა. ახლა კი ის დაამყარებდა წესრიგს, ხალხის დახმარებით. ამიტომ მმართველებად უნდა დაინიშნონ ისეთი ადამიანები, ვისაც ქრთამი არ აუღია, ანუ არაფრის მმართველობის გამოცდილება არ აქვს. "აი კანდიდატი" - სააკაშვილმა ხალხში ადამიანი გამოიყვანა, რომლის დანახვაზეც ყველა აღელდა. "გასაგებია, რომ ერთი კვირის წინ სხვა კანდიდატი მოგიყვანეთ, მაგრამ ის გაიქცა. ხდება ხოლმე. ეს ნამდვილად კარგი ბიჭია. მე მას ვიცნობ. მას იგორ ლიტვინუკი ქვია".
ხუთ წუთში ხალხიც დამშვიდდა და ლიტვინუკიც. კარგი შოუ იყო. "საქართველოში რაღაც ორ საცოდავ კოსტუმზე მედავებიან" - ამტკიცებდა საკუთარ ქართულ უდანაშაულობას მიხეილი. "ოდესაში იმისთვის მოვედი, რომ ხალხს დავეხმარო" - ყოველ წუთს იმეორებდა გუბერნატორი. ამ დროს მასთან ქალი მივიდა: "სანამ თქვენ აქ ხართ, ოდესაში ეკოლოგიური კომიტეტია შეკრებილი და ისეთი გადაწყვეტილებები მიიღეს...". მაგრამ სააკაშვილი მას უკვე აღარ უსმენს, თუ რა გადაწყვიტა კომიტეტმა. მან ღალატი იგრძნო. "ანუ სანამ მე აქ ვარ, ისინი იქ საიდუმლოდ შეიკრიბნენ? აღარ არსებობს არანაირი ეკოლოგიური კომიტეტი. შემცირებულნი არიან!". "ვააახ" - აღმოხდა ხალხს და ტაში დაუკრა. სააკაშვილი ყოველთვის ასე იწყებს. მარტივად და ლამაზად. საინტერესოა, ბოლოს ისევ სხვა ქვეყანა ხომ არ დასჭირდება?
ამასობაში ექს-პრეზიდენტი საკუთარ ქვეყანაში შიდასახელმწიფოებრივ ძებნაშია გამოცხადებული რამდენიმე საქმეზე, მათ შორის უფლებამოსილების ბოროტად გამოყენებაზე. ქართული პროკურატურა აპირებს ისევ მიმართოს ინტერპოლს ქვეყნის ექს-პრეზიდენტი, ამჟამად კი უკრაინის მოქალაქე და ოდესის გუბერნატორი საერთაშორისო ძიებაში მისცენ.
ქართული თარგმანი AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
