მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დეპუტატების ჩხუბის დეტალები: ზაზა პაპუაშვილის პირველი კომენტარი სერგო რატიანთან დაპირისპირების შემდეგ
09:02 / 25-06-2015
პარლამენტის განათლების კომიტეტის სხდომაზე ერთმანეთს უმცირესობის დეპუტატი სერგო რატიანი და უმრავლესობის წევრი ზაზა პაპუაშვილი დაუპირისპირდნენ. რატომ მოხდა დაპირსპირება, ამაზე კომენტარი ზაზა პაპუაშვილს ვთხოვეთ:
- სერგო რატიანს ასეთი ჩვევა აქვს, მას არ შეუძლია შეეგუოს იმ ფაქტს, რომ კომიტეტის სხდომა მშვიდად მიმდინარეობს, არის ჯანსაღი კამათი და არგუმენტების გაცვლა-გამოცვლა. ამ ყველაფერთან შეგუება მას ძალიან უჭირს, ცდილობს ეს ყველაფერი დაარღვიოს და დემაგოგიაში გადავიდეს. სერგო ამ ყველაფრის ოსტატი თუ არაა, ფაქტია, რომ ნელ-ნელა ოსტატდება. მას მერე, რაც ის მიზანს მიაღწევს და სიტუაციას აურევს, იწყებს თავისი ვიწრო პარტიული ხაზის გატარებას და აქტიურად იყენებს ტერმინს - "საბჭოთა", ლაპარაკობს ისეთი ქვეტექსტებით, თითქოს მხოლოდ ისინი არიან პროგრესულები, სხვა ყველა ჩამორჩენილი და რუსეთი მომხრეა. ესაა "ნაციონალური მოძრაობის" ცნობილი სქემა. რატიანს უნდა, რომ კომიტეტის მუშაობას პოლიტიკური ელფერი მისცეს. ხშირ შემთხვევაში რატიანის გამოხტომებს არ ვაქცევთ ყურადღებას, მაგრამ ზოგჯერ პასუხის გაცემა გვიწევს ხოლმე. მაგათ უნდათ საკუთარი ნაღვაწი მაღლა დააყენონ და თქვან, თითქოს მაგათ ქვეყანა ააშენეს და ჩვენი ხელისუფლება არაფერს არ აკეთებს და ქვეყანას ანგრევს.
- ბატონო ზაზა, ფაქტია, რომ "ნაციონალური მოძრაობის" დროს განათლების სისტემაში ბევრი რამ სასიკეთოდ შეიცვალა...
- მე ვეკითხები ყველას - სად ხედავენ "ნაციონალური მოძრაობის" პერიოდში განათლების სისტემის გაძლიერებას?! ეს ადამიანები არიან მეცნიერებათა აკადემიის დაშლის ავტორები და ეს იყო სისტემის გაძლიერება, თუ ის, რომ სამეცნიერო დაწესებულებები რომ დაანაწევრეს?! "ნაციონალური მოძრაობის" დროს პოლიტიკური კონიუქტურის გათვალისწინებით იმართებოდა სკოლები და სად არის აქ სისტემის გაძლიერება?!
- ფაქტია, რომ სისტემაში აღმოიფხვრა კორუფცია და მას, ვისაც შესაბამისი ცოდნა აქვს, შეუძლია უმაღლესში ჩაბარება.
- თუ სადმე კორუფციული სქემა არსებობდა, ამას სჭირდებოდა გამოძიება და დამნაშავეთა დასჯა, თუ დამნაშავე არ არსებობს, რა სქემებზეა საუბარი?! ამ ყველაფერს სჭირდება არგუმენტაცია და შემდეგ უნდა განიხილოს სასამართლომ. ასეთი დემაგოგიის ლაპარაკი უყვარს რატიანსაც, უბრალოდ, ჩემი პასუხი ემოციურია და იმიტომაც ხდება სალაპარაკო, თორემ მერე უკვე მეღიმება ხოლმე ამ ყველაფერზე. სერგო რატიანს ძალიან უყვარს ყურადღების მიპყრობა, კომიტეტის სხდომაზე ლამის ლექციები ჩაატაროს, მეტსაც გეტყვით, ზოგჯერ იქამდე მიდის, ლამის კომიტეტის ხელმძღვანელის, ბატონი ვანო კიღურაძის ადგილი დაიკავოს და თვითონ წარმართოს კომიტეტის სხდომა. როგორც ჩანს, რატიანი ამ ყველაფერს ვერ ხვდება, თუმცა არაა გამორიცხული, რომ სპეციალურადაც აკეთებდეს. მას ხშირად უნდა, რომ რაღაც დესტრუქციული გააკეთოს და სხდომის დღის წესრიგი აურიოს. ბავშვი არაა და არა მგონია ვერ ხვდებოდეს, რას აკეთებს და ალბათ, გამიზნულია, რასაც სჩადის. მას არ სურს არგუმენტებით კამათი, მისი მიზანია, დრო დაიკავოს და დემაგოგიურ-პარტიული საუბრები განავრცოს, აუცილებლად გაიხსენებს საბჭოთა კავშირს და მერე უკვე რუსეთს, თან სრულიად უადგილოდ, პრინციპში ის ანვითარებს იმ ხაზს, რასაც "ნაციონალური მოძრაობა" მიყვება.
ლადო გოგოლაძე
AMBEBI.GE
იხილეთ ვიდეო| "ქვეშაფსია... გარშოკიანი..." - რატიანის და პაპუაშვილის დაპირისპირება განათლების კომიტეტის სხდომაზე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
