ბორის ნემცოვის მკვლელობის საქმეში ახალი პირი გამოჩნდა

რუსი ოპოზიციონერის, ბორის ნემცოვის მკვლელობის საქმეში ახალი ფიგურანტი - ჩეჩენი რუსლან მუჰადინოვი გამოჩნდა. ამის შესახებ "კომერსანტი" იტყობინება. გამოძიების ცნობით, სწორედ მუჰადინოვი მართავდა იმ ავტომობილს, რომლიდანაც ნემცოვს ესროლეს და მოკლეს.

გავრცელებული ცნობით, ამ ეტაპზე გამოძიება ცდილობს დაადგინოს, არის თუ არა აღნიშნული პირი ის ადამიანი, რომელსაც მკვლელობაში მთავარი ბრალდებული, ზაურ დადაევი პირველ ჩვენებაში ახსენებს.

რუსი ოპოზიციონერი, ბორის ნემცოვი 27 თებერვალს ღამე კრემლთან ახლოს ხიდზე მოკლეს. მას თან უკრაინელი მოდელი გოგონა, ანნა დურიცკაია ახლდა.

"ინტერპრესნიუსი"