ალპებში ჩამოვარდნილი ლაინერის გერმანელი მფრინავი მალავდა, რომ ავად იყო
გერმანელი მფრინავი ანდრეას ლუბიცი, რომელიც "ჯერმანვინგის" თვითმფრინავის კატასტროფის დროს მფრინავის კაბინაში მარტო იმყოფებოდა, მალავდა, რომ ავად იყო. ამის შესახებ "ბიბისის" ცნობით, გერმანელი პროკურორები აცხადებენ.
მათივე თქმით, მფრინავს თვითმფრინავის განადგურება სურდა, თუმცა, არ არსებობს სამხილები იმისა, რომ მას პოლიტიკური ან რელიგიური მოტივები ამოძრავებდა.
გერმანული მედიის მიერ გავრცელებული ინფორმაციის მიხედვით, ანდრეას ლუბიცს დეპრესია აწუხებდა, რის გამოც ის ფსიქიატრიულ კლინიკაშიც კი იწვა. მისი ავადმყოფობის შესახებ ინფორმაცია არ აქვს კომპანია "ლუფთჰანზას", რომლის შემადგენლობაშიც შედის "ჯერმანვინგი". უფრო მეტიც, როგორც "ლუფთჰანზას" დირექტორმა, კარსტენ შპორმა განაცხადა, მფრინავს ყველა შემოწმება გავლილი ჰქონდა და ის ყველა პირობას აკმაყოფილებდა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
