ჟვანიას ცხედრის ექპერტიზის ამსახველი, აქამდე უცნობი კადრები - რა ხდებოდა 2005 წლის 3 თებერვლის დილას
"ვთხოვ ადამიანებს, რომლებსაც სუსტი ნერვები გაქვთ, და ბავშვებს, მოცილდეთ ეკრანებს", - ასე წარადგინა დავით კიკალიშვილმა სიუჟეტი, რომელშიც ნაჩვენები იყო კადრები ზურაბ ჟვანიას ცხედრის ექსპერტიზიდან, რომელიც 2005 წლის 3 თებერვლის დილას არის გადაღებული. კადრებიდან ირკვევა, რომ იქ ნამდვილად იმყოფებოდა ექსპერტი ლევან ჩიჩუა, და ამასთან, ადვოკატი გელა ქენქაძე ამბობს, რომ აღნიშნული კადრები ადასტურებს, რომ "ჰაკიმ ფაშას" სახელით Youtube-ზე ატვირთული ფოტომასალა, რომელშიც დაზიანებებია აღნიშნული, ფოტოშოპია და რეალურად, ცხედარს მსგავსი დაზიანებები კეფაზე არ აღენიშნება.
ფრაგმენტი გადაცემიდან "P.S.":
"ჩვენ ახლა გაჩვენებთ კადრებს, რომელიც ზურაბ ჟვანიას ცხედრის ექსპერტიზის დროს არის გადაღებული - 2005 წლის 3 თებერვლის დილით.
ვიდეომასალა, მას შემდეგ, რაც გუშინ ადვოკატებმა გააკეთეს განცხადებები, ჩვენ მოგვაწოდა ჩვენმა წყარომ, და როგორც გაირკვა, ეს კადრები სრულიად არ არის საიდუმლო. ირკვევა, რომ ეს ვიდეო აქვს ადვოკატებსაც და რა თქმა უნდა, პროკურორებსაც; ის საქმის მასალებში დევს. ეს მას შემდეგ გავარკვიეთ, რაც კადრების კომენტირება ვთხოვეთ ადვოკატ გელა ქენქაძეს (ზურაბ ჟვანიას საქმეზე დაკავებული მიხეილ ძაძამიას ადვოკატი). მან გვითხრა, რომ ნანახი აქვს ეს ვიდეო და რამდენიმე მნიშვნელოვან დეტალზე გაამახვილა ყურადღება. მაგალითად, ის საუბრობს იმ დაზიანებაზე, რომელიც ზურაბ ჟვანიას ტუჩზე ჰქონდა შიგნიდან".
გელა ქენქაძე, ადვოკატი: თქვენ რომ ნახოთ ექსპერტიზის ეს ვიდეოკადრები, ნახავთ, რომ ტუჩზე აქვს მცირე დაზიანება, რომელიც, რა თქმა უნდა, მიყენებული აქვს სიკვდილის შემდეგ, რადგან არ არის გამოსული არც ერთი წვეთი სისხლი.
რაც შეეხება თავზე დაზიანებას, როგორც ზურაბ ჟვანიას ძმა იძახის, მას თავზე ჰქონდა დაზიანება. სინამდვილეში, ამ ადგილას (წინა მხარეს) ზურაბ ჟვანიას არ ჰქონდა თმა და თქვენ შეგიძლიათ ნახოთ, რომ ფურცელივით სუფთა თავი აქვს, არანაირი დაზიანება არ არის, რასაც ამტკიცებენ "ჰაკიმ ფაშას" სახელით გავრცელებულ ვიდეოში. სინამდვილეში, ის ფოტოშოპით არის გაკეთებული.
რაც შეეხება ექსჰუმაციას, რომელიც ოჯახმა მოითხოვა, ადვოკატი ამბობს, რომ ექსჰუმაციის საკითხს "თავად ოჯახი აჭიანურებს", რადგან ექსჰუმაციით დადასტურდება, რომ არანაირი დაზიანება არ ჰქონდა არც ზურაბ ჟვანიას და არც რაულ იუსუპოვს".
ამავე კადრებში ჩანს, რომ ექპერტი ლევან ჩაჩუა ნამდვილად ესწრებოდან ექსპერტიზას, თუმცა ძნელია იმის განსაზღვრა, თუ რა პროცესებს ხელმძღვანელობს ის.
P.S.-მა ჟვანის ცხედრის ექსპერტიზის ამსახველი ვიდეომასალის მხოლოდ მცირე ნაწილი გაასაჯაროვა.
"მკვლელი ტრაილერი რიკოთზე..." - რა რეაგირება მოჰყვა შსს-ს მხრიდან დარღვევას, რომელმაც მძიმე საავარიო სიტუაცია შექმნა
"ერთი წლის წინ შემხვდა კაფეში... მთელი დღეა ვფიქრობ, რომ მაშინ უკვე პრობლემები ჰქონდათ" - რას წერს ბლოგერი ქმრის მიერ მოკლულ გოგოზე
