მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შარლი ებდოს" ახალი ნომერი რეკორდული სისწრაფით იყიდება
04:42 / 14-01-2015
საფრანგეთის ქალაქებში მოსახლეობა აქტიურად ყიდულობს ჟურნალ "შარლი ებდოს" ახალ ნომერს. Le Figaro-ს ინფორმაციით, როგორც ერთ-ერთი საგაზეთო ჯიხურის გამყიდველმა განაცხადა, მის ჯიხურში არსებული "შარლი ებდოს" ყველა ნომერი 10 წუთში გაიყიდა. ფრანგული მედიის ინფორმაციით, ბევრ საგაზეთო ჯიხურში მომხმარებელი დილის ექვსი საათიდან ჩადგა რიგში "შარლი ებდოს" ახალი ნომრის საყიდლად.
"დღეს ჩვენ ტრადიციულზე უფრო მეტი ეგზემპლიარი მივიღეთ, თუმცა ვშიშობ, რომ ეს რაოდენობა მაინც არ იქნება საკმარისი", - განუცხადა Le Figaro-ს ერთ-ერთმა გამყიდველმა. ფრანგული სატირული ჟურნალის "შარლი ებდოს" ახალი ნომერი გაყიდვაში ჟურნალის რედაქციაზე განხორციელებული ტერაქტიდან ერთი კვირის შემდეგ დღეს გამოვიდა. ახალი ნომერი გარეკანზე წინასწარმეტყველ მუჰამედის კარიკატურაა, რომელსაც ხელში უჭირავს პლაკატი, წარწერით - "მე ვარ შარლი" (Je Suis Charlie). კარიკატურის ზედა მხარეს კი დატანილია წარწერა "ყველაფერი მიტევებულია" (Tout est pardonné).
"ბიბისის" ცნობით, ჟურნალის შიდა გვერდებზე ისლამისტი ექსტრემისტების კარიკატურებია. ერთ-ერთ მათგანზე გამოსახულია ორი ტერორისტი, რომლებიც სამოთხეში ხვდებიან და ერთმანეთს ეკითხებიან - "სად არის 70 ქალწული?", უკანა ფონზე კი ჩანან "შარლი ებდოს" დაღუპული ჟურნალისტები, რომლებიც ამ ქალწულებთან ორგიას აწყობენ.
არსებული ინფორმაციით, ჟურნალი გაყიდვაში ტრადიციული 60-ათასიანი ტირაჟის ნაცვლად, 3-მილიონიანი ტირაჟით გამოიცა. "შარლი ებდოს" ახალი ნომერი ხელმისაწვდომია ექვს ენაზე, მათ შორის ინგლისურად, არაბულად და თურქულად.
7 იანვარს, პარიზში "შარლი ებდოს" რედაქციაზე განხორციელებული ტერაქტის შედეგად 12 ადამიანი დაიღუპა. გასულ კვირას საფრანგეთში განხორციელებულ ტერაქტებს საერთო ჯამში, 17 ადამიანი ემსხვერპლა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
