"საკუთარი ქამრით ჩამოიხრჩო თავი" - რატომ მოიკლა თავი 20 წლის ბიჭმა "აჭარაბეთთან"

თბილისში, "აჭარაბეთის" მიმდებარე ტერიტორიაზე, ახალგაზრდა მამაკაცი ჩამომხრჩვალი იპოვეს. გარდაცვლილი 20 წლისაა. Ambebi.ge-სთან საუბრისას თვითმხილველი ამბობს, რომ ახალგაზრდა მამაკაცი ჯარისკაცი იყო.

"იყო ძალიან მთვრალი. გამთენიისას, ღამის 5 საათზე ჩავიდა "აჭარაბეთში" სათამაშოდ, მაგრამ სიმთვრალის გამო დაცვამ არ შეუშვა, რასაც მოჰყვა შელაპარაკება დაცვასა და ბიჭს შორის. ამის შემდეგ ამოვიდა და კაზინოსთან საკუთარი ქამრით ჩამოიხრჩო თავი", - ამბობს თვითმხილველი Ambebi.ge-სთან საუბრისას.

განახლება:

საქართველოს თავდაცვის სამინისტროს ინფორმაციით, "აჭარაბეთთან" ჩამომხრჩვალი რიგითი დათო გელაშვილია. როგორც უწყების მიერ გავრცელებულ განცხადებაშია ნათქვამი, 28 დეკემბერს რიგითი დათო გელაშვილი დათხოვნაში იმყოფებოდა.

სამინისტრო I კლასის რიგითის, დათო გიას ძე გელაშვილის გარდაცვალების გამო ღრმა მწუხარებას გამოთქვამს და გარდაცვლილის ოჯახს უსამძიმრებს.

იხილეთ| "აჭარაბეთთან" ჩამომხრჩვალ ჯარისკაცზე თავდაცვის სამინისტრო  ინფორმაციას ავრცელებს

შეგახსენებთ, რომ მომხდართან დაკავშირებით შსს-მ სისხლის სამართლის საქმე 115-ე მუხლით აღძრა, რაც თვითმკვლელობამდე მიყვანას გულისხმობს.

როგორც შინაგან საქმეთა სამინისტროში აცხადებენ, საქმის დეტალებზე გამოძიების ინტერესებიდან გამომდინარე ვერ ისაუბრებენ.

თამარ ბოჭორიშვილი

AMBEBI.GE