"ნანუკა ჟორჟოლიანი, არა მხოლოდ უტაქტობით, ბევრი სხვა ქაჯობით მაია ასათიანს უსწრებს უკვე" - ლოლა ლომიძე

გია ნოდიას მეუღლე ლოლა ლომიძე ტელეწამყვან ნანუკა ჟორჟოლიანს უტაქტობაში ადანაშაულებს. ლოლა ლომიძე სოციალურ ქსელში "ნიჭიერის" პირველ "ლაივს" ეხმაურება, სადაც უკრაინელი ძალოსანი ივან მაკაროვი გამოვიდა. ძალოსანს ჟიურის წევრმა ნანუკა ჟორჟოლიანმა შეფასებისას სამშობლოში დაბრუნება ურჩია. ნანუკა ჟორჟოლიანი მიიჩნევს, რომ ასეთი ძლიერი ადამიანები ახლა უკრაინას უფრო სჭირდება.

"ნანუკა ჟორჟოლიანი, არა მხოლოდ უტაქტობით, ბევრი სხვა ქაჯობით მაია ასათიანს უსწრებს უკვე.

რა იყო ეგ? გავგიჟდი! ტუპოი!

უკრაინელი ძალოსანი გამოვიდა, მანამდე ვიდეო რგოლში მოყვა საქართველოში ჩამოვედიო, მეგობრები შევიძინეო, ვვარჯიშობო, აქ ვაპირებ ცხოვრების გაგრძელებას, ცოლ-შვილი უნდა ჩამოვიყვანოო. და ამან კიდე აქ უკვე გააკეთე გასაკეთებელი ახლა წადი შენს ქვეყანაშიო.

იამ შეახსენა მერე, ცოლ-შვილი ჩამოყავს და აქ აპირებც ცხოვრებასო, ამან მაინც არაო, წავიდესო :))

თავის სამშობლოს უფრო ჭირდება ძლიერი ბიჭებიო, მერე სცადა გამოსწორება, მაგრამ უკვე გვიან იყო...

წავიდეს და იჭიდაოს ომში?

არავის გადასაწყვეტი არ არის. ვინ სად წავა და რას გააკეთებს, მითუმეტეს ნანუკასი.

ომი ყველას არ შეუძლია. არც იდეისთვის ბოლომდე დგომა შეუძლია ბევრს, ზოგი ომს გაურბის, ზოგი ახალ ხელისუფლებას. მაგრამ ეს არ ნიშნავს იმას რომ მასპინძელი ქვეყნის მოქალაქეებმა ცხოვრება გადაუწყვიტონ, ჭკუა ასწავლონ საქვეყნოდ და სახლში გაუშვან...

არ ვიცი ის ძალოსანი რატომ არ ომობს და ამ ეტაპზე ეგ არ მაინტერესებს. მე ნანუკას პოზიციაზე ვსაუბრობ, ორი წუთით ადრე ადამიანმა თქვა ოჯახი ჩამომყავს, ჩემს ქვეყანაში ომიაო და აქ მინდა ვიცხოვროო, ნანუკამ კი გაამწესა სასწრაფოდ და საქმენი საგმირონიასკენ მოუწოდა. ეს უტაქტობაა, მეტი არაფერი", - წერს ლოლა ლომიძე.

გუშინ "ნიჭიერის" პირველი "ლაივჩვენება" გაიმართა. უკრაინელმა ძალოსანმა "მუშთაიდის" ბაღში მდებარე "ეშმაკის ბორბალი" დაატრიალა.

ივან მაკაროვი საქართველოში უკრაინის ცირკთან ერთად გასტროლებზე ჩამოვიდა. მან "ძლიერი მამაკაცის ფედერაციის" პრეზიდენტი გაიცნო და საქართველოს ნაკრების სახელით გამოსვლის შეთავაზებაც მიიღო. ამჟამად მას საქართველოს მოქალაქეობის მიღებაში ეხმარებიან. ცირკი უკრაინაში დაბრუნდა, ძალოსანი კი საქართველოში დარჩა და უკვე მრავალი მეგობარიც შეიძინა. ძალოსანმა ფინალში გადასვლა ვერ შეძლო.

იხილეთ ასევე: "ნიჭიერის" პირველ "ლაივს" ტრიუმფატორები და ჟიური აფასებენ - რა მოხდა პირდაპირი ეთერის შემდეგ