მნიშვნელოვანი ინფორმაცია
21
აპრილიდღის ზოგადი ასტროლოგიური პროგნოზი
ორშაბათი, მთვარის ოცდამესამე დღე დაიწყება 04:35-ზე, მთვარე მერწყულში იქნება 03:21-დან
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. გაფრთხილდით, მოსალოდნელია ტრავმები და მოტეხილობები. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევროპა ცივი ომისთვის ემზადება?
07:51 / 27-11-2014
გასული საუკუნის მეორე ნახევარში, ორ დაპირისპირებულ რეჟიმს შორის საბრძოლო მოქმედებების გაჩაღების შემთხვევაში, ევროპა მასშტაბური ბრძოლის ველად გადაიქცეოდა. წლების განმავლობაში ვაშინგტონი და მოსკოვი ევროპაში დიდი რაოდენობით შეიარაღებას უყრიდა თავს. განსაკუთრებული აქცენტი ტანკებზე კეთდებოდა.
1991 წელს სსრკ-ს დაშლით, ცივი ომი ისტორიის ნაწილი გახდა. თუმცა 23 წლის თავზე დასავლეთ ევროპის ქვეყნების პოლიგონებზე კვლავ სატანკო შენაერთების ძრავების გუგუნი ისმის. უკრაინაში მიმდინარე დაძაბული ვითარების ფონზე, NATO-ს წევრმა ქვეყნებმა სატანკო სწავლებების ჩატარებას მოუხშირეს. ანალიტიკოსთა აზრით, ევროპა ახალი ცივი ომის დაწყების საფრთხის წინაშე დგას.
რუსეთის მხრიდან უკრაინის წინააღმდეგ ღიად გამოხატული აგრესიის ფონზე, ავროპაში NATO-ს სამხედრო დაჯგუფების გაძლიერებაში ამერიკაც ჩაერთო. მიმდინარე წლის 26 ოქტომბერს ცნობილი გახდა, რომ საკუთარი კონტიგენტის გასაძლიერებლად პენტაგონი ევროპაში M1 Abrams-ის ტიპის 100 ტანკს გადაისვრის.
სამხედრო დაჯგუფების გაძლიერების პარალელურად, მოსკოვის აქტიური ქმედებების შემყურე ევროპულმა სახელმწიფოებმა ინტენსიური წვრთნები და სწავლებები დაიწყეს. მოცემულ შემთხვევაში გამოთქმა "სიფრთხილეს თავი არ სტკივა" სავსებით გამართლებულია. აღშფოთებულ ევროპას საკუთარი სამხედრო შესაძლებლობისა და პოტენციალის დემონსტრირებისთვის მხოლოდ სამხედრო სწავლებების ჩატარებაღა დარჩენია.
პოლონეთის თავდაცვის უწყების პრესსამსახურზე დაყრდნობით, სააგენტო Reuters-მა გაავრცელა ცნობა, რომ ერთობლივი მასშტაბური სწავლებების გამართვისთვის, საფრანგეთი პოლონეთში ჯავშანსატანკო ასეულს გააგზავნის. ინფორმაცია ვარშავაში საფრანგეთის თავდაცვის მინისტრის ჟან-ივა ლე დრიანის ვიზიტის შემდეგ გახდა ცნობილი. ფრანგი მინისტრის თქმით, "საფრანგეთს ევროპაში მშვიდობაზე ზრუნვის მუდმივი სურვილი აქვს და დღეს პოლონეთისთვის შესაბამისი გარანტიების აღდგენა გვსურს".
როგორც იტყვიან, "თუ გინდა მშვიდობა, ემზადე ომისთვის". უახლოეს მომავალში პოლონეთის პოლიგონებზე ფრანგული Leclerc-ის ტიპის ტანკების ეკიპაჟები საკუთარი კვალიფიკაციის ამაღლებას შეუდგებიან.
როგორც ჩანს, უკრაინაში მიმდინარე მოსკოვის აგრესული პოლიტიკა ყველაზე მეტად სწორედ ვარშავას აფიქრებს. მიმდინარე წლის ნოემბრის დასაწყისში პოლონეთმა აღმოსავლეთ საზღვრების გაძლიერება დაიწყო. ბელორუსის და ნაწილობრივ უკრაინის მოსაზღვრე რეგიონებში, დამატებითი საჯარისო შენაერთები, მათ შორის ტანკები გადაისროლეს. ამ მიზანს გერმანიაში შეძენილი ტანკებიც ემსახურებიან. საკუთარი სატანკო პარკის მოდერნიზაციისთვის ვარშავამ ბერნილისგან Leopard-2A4 და Leopard-2A5-ის ტიპის 119 ტანკი შეიძინა.
პოლონეთის პოლიგონებზე გამართულ წვრთნებში ბრიტანელებიც მონაწილეობენ. ნოემბრის შუა რიცხვებში სწავლება Black Eagle 2014 დაიწყო. ბრიტანეთის მხრიდან მასში 1,300-ზე მეტი ჯარისკაცი და 100 ერთეულამდე ჯავშანტექნიკა (მათ შორის ტანკები) იღებდა მონაწილეობას. სწავლების მიზანი სხვადასხვა ქვეყნების მექანიზირებული და ქვეითი შენაერთების კოორდინირებული მოქმედების დახვეწა იყო. ასევე განიხილებოდა პირობითი მოწინააღმდეგის სატანკო შენაერთების შეტევის მოგერიების სცენარებიც.
საგულისხმოა, რომ გერმანიამ, რომელიც მოსკოვის აგრესიულ ქმედებებს საჯაროდ თითქმის არ აკრიტიკებს, ჯავშანტრანსპორტიორების დამატებითი რაოდენობის შეძენის გადაწყვეტილება მიიღო. საუბარია Boxer-ის ტიპის 131 ერთეულ ჯავშანტრანსპორტიორზე. ხელშეკრულების განხორციელებისთვის საჭირო ფინანსები (620 მილიონი ევრო), მომავალი 2015 წლის გერმანიის თავდაცვის უწყების ბიუჯეტში იქნება გათვალისწინებული.
მოამზადა ნუკრი მგელაძემ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
