რიჩარდ ნორლანდი - ჩვენ ვულოცავთ საქართველოს პრემიერს ნატო-ს გენერალურ მდივანთან შეხვედრას

მნიშვნელოვანი ფაქტორია, რომ ბრიუსელში აღინიშნა ის დიდი მნიშვნელობა, რომელიც ენიჭება სამართლებრივი ინსტრუმენტების პოლიტიკური მოტივაციისგან თავისუფალ გამოყენებას, - ამის შესახებ "ინტერპრესნიუსს", ბრიუსელში საქართველოს პრემიერ-მინისტრის ვიზიტის შეფასებისას, საქართველოში ამერიკის შეერთებული შტატების ელჩმა, რიჩარდ ნორლანდმა განუცხადა.

რაც შეეეხება საქართველოში ნატო-ს სასწავლო ცენტრის გახსნას, როგორც ნორლანდი აცხადებს, ეს არის ნაწილი იმ არსებითი პაკეტისა, რომელზეც შეთანხმება უელსის სამიტზე შედგა.

"ჩვენ ვულოცავთ პრემიერ-მინისტრ შეხვედრას ნატო-ს გენერალურ მდივანთან. ამ ცენტრის გახსნა არის ნაწილი იმ არსებითი პაკეტის, რომლის შესახებაც შედგა შეთანხმება უელსის სამიტზე და შესაძლებელია, ეს განვიხილოთ როგორც კონკრეტული თითოეული პარტნიორის მიერ შესასრულებელი როლი. ამ საქმეში ამერიკის შეერთებულოი შტატები განაგრძობს მხარდაჭერას შეიარაღებული ძალების", - განაცხადა რიჩარდ ნორლანდმა.

აშშ-ის ელჩმა კომენტარი და თვდაცვის უწყების მინისტრების მოადგილეების დანიშვნის თაობაზეც.

როგორც ნორლანმა აღნიშნა, ამერიკის შეერთებული შტატები თავდაცვის მინისტრის მოადგილეების დანიშვნას და მათთან ისევე განაგრძობს თანამშრომლობას, როგორც ეს მათ წინამორბედებთან ხდებოდა.

"საგარეო საქმეთა მინისტრის მოადგილეები უკვე დაინიშნენ. ჩვენ ველით, რომ თავდაცვის მინსიტრის მოადგილეების დანიშვნაც მოხდება. ჩვენ ჩავერთვებით მათთან თანამშრომლობაში და საქართველოს წარმომადგენლებთან განვაგრძობთ თანამშრომლობას ზუსტად ისე, როგორც მის წინამორბედებთან", - განაცხადა ამერიკის შეერთებული შტატების ელჩმა საქართველოში რიჩარდ ნორლანდმა.

საქართველოს პრემიერ-მინისტრმა, ირაკლი ღარიბაშვილმა გუშინ ბრიუსელში შეხვედრები გამართა ნატო-ს გენერალურ მდივანთან, იენს სტოლტენბერგთან. ნატო-ს გენმდივანმა აღნიშნა, რომ საქართველოში ნატო-ს საწვრთნელი ცენტრის ჩამოყალიბებაზე გადაწყვეტილება მიღებულია.

"ინტერპრესნიუსი"