ზუგდიდის სასამართლოსთან სპეცრაზმი გამოიძახეს
ზუგდიდის რაიონული სასამართლოს ეზოდან პატიმარ რუსლან პერტაიას გაყვანა სპეცრაზმის გამოყენებით მოხერხდა. სპეცრაზმის გამოძახება მას შემდეგ გახდა საჭირო, რაც ბრალდებულის ახლობლებმა და ოჯახის წევრებმა სამართალდამცველებს უფლება არ მისცეს, დაკავებული მანქანით გაეყვანათ ეზოდან. საპროტესტო აქცია მხოლოდ ამის შემდეგ დასრულდა. აქციაზე პატიმრის დედამ თვითმკვლელობაც სცადა და ბენზინი გადაისხა.
პერტაიას საქმის არსებითი განხილვა რაიონულ სასამართლოში დღეს გაიმართა. დაკავებული აცხადებს, რომ უდანაშაულოა და მისი დაპატიმრება დაკვეთით მოხდა, რაშიც ის პოლიციის სამმართველოს უფროს ლევან ქარდავას ადანაშაულებს. თავად დაზარალებული დალილა ჩიქავას თქმით, მისი ოჯახიდან მართლაც წაიღეს ერთი ტომარა თხილი, თუმცა სიბნელის გამო ვერ მოახერხა იმ ადამიანის სახის გარჩევა, ვინც თხილი წაიღო.
რუსლან პერტაია ერთი ტომარა თხილის ქურდობის ბრალდებით 23 აგვისტოს დააკავეს.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
