8 წლის ბავშვს მანქანა დაეჯახა, მძღოლი მიიმალა

ჟურნალისტი ნათია სორდია ფეისბუქის პირად გვერდზე ავარიის შესახებ ინფორმაციას ავრცელებს.

"ავარიას შევესწარი კუტუზოვიდან საირმის ქუჩის ასახვევში. პატარა ბიჭს ეხვია ხალხი შეშლილი სახით. ზოგი ტიროდა, ზოგი სასწრაფოში რეკავდა. ჯერ მისვლის შემეშინდა, მერე გავბედე. წამების მომხდარი იყო - დიდმა მანქანამ დაარტყაო, ეზოში დიდი სისწრაფით შესულმა. და არც გაჩერებულა თურმე!!!! ბიჭი გონზე იყო და ლაპარაკობდა. მეზობლები ამხნევებდნენ სასწრაფოს მოსვლამდე, დედა მანამდე მოუსულიერებიათ, გული წასვლია საწყალ ქალს იქვე. იაშვილში წაიყვანეს მერე. ნიკოლოზი ჰქვია თურმე, რვა წლის არის. დარწმუნებული ვარ, კარგად იქნება!!!! და ძალიან დიდი იმედი მაქვს, რომ ამაღამვე მიაგნებენ იმას, ვისაც ადამიანს ვერ ვუწოდებ" - წერს სორდია.