მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა თხოვნით მიმართა სომხეთის რესპუბლიკის ეროვნული ასამბლეის თავმჯდომარემ ილია მეორეს
01:59 / 07-10-2014
სომხეთის რესპუბლიკის ეროვნული ასამბლეის თავმჯდომარემ გალუსტ საჰაკიანმა კათოლიკოს-პატრიარქს საქართველოს ტერიტორიაზე არსებული სომხური კულტურის ძეგლებისთვის ყურადღების მიქცევა სთხოვა.
სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე სომხეთის რესპუბლიკის ეროვნული ასამბლეის თავმჯდომარეს გალუსტ საჰაკიანს და სომხური დელეგაციის წევრებს გუშინ საპატრიარქოში შეხვდა. შეხვედრის დასაწყისში მხარეებმა ხაზი გაუსვეს ორ ქვეყანას შორის ისტორიულ კავშირს და საერთო ქრისტიანულ ფასეულობებს. უწმინდესმა აღნიშნა, რომ ძალიან დიდი მნიშვნელობა აქვს ძმურ და მეგობრულ ურთიერთობებს ორი ქვეყნის ეკლესიას შორის.
პატრიარქის თქმით, საქართველოსა და სომხეთს შორის ტრადიციულად კარგი ურთიერთობები იყო და ეს დღესაც გრძელდება.
"ძალიან დიდი მნიშვნელობა აქვს მეგობრულ და ძმურ ურთიერთობას ეკლესიებს შორის. ჩვენ დიდად ვაფასებთ თქვენს კულტურას, თქვენს მწერლობას. სომხეთი და საქართველო არის ქრისტიანული ოაზისი და ამ ოაზისს ჩვენ უნდა გავუფრთხილდეთ. ყველაფერი უნდა გავაკეთოთ იმისათვის, რომ ჩვენი ძმური ურთიერთობა არ დაირღვეს. კიდევ ერთხელ მოგესალმებით, მივესალმები დელეგაციის ყველა წევრს. მოხარული ვარ, რომ საქართველოში ჩამობრძანდით", - აღნიშნა შეხვედრაზე საქართველოს კათოლიკოს-პატრიარქმა.
თავის მხრივ, საუბრის დასაწყისში სომხეთის რესპუბლიკის ეროვნული ასამბლეის თავმჯდომარემ, გალუსტ საჰაკიანმა პატრიარქს ძმის გარდაცვალების გამო მიუსამძიმრა და გულთბილი მიღებისათვის მადლობა გადაუხადა.
საჰაკიანის განცხადებით, სომხეთი რჩება უმთავრესი ქრისტიანული ფასეულობების მემკვიდრედ.
"ჩვენი ერებიდან გამომდინარე, უმთავრესი საფუძველი ქრისტიანული ფესვებია და ჩვენ ვრჩებით ამის გამგრძელებლად. კულტურული და რელიგიური ფასეულობები გააღრმავებენ, დააახლოებენ და ახალ ბიძგს მისცემენ ჩვენი სახელმწიფოების ურთიერთობას. ამ ყველაფერში ძალიან დიდი მნიშვნელობა აქვს ორი ქვეყნის ეკლესიას", - აღნიშნა სომხეთის რესპუბლიკის ეროვნული ასამბლეის თავმჯდომარემ.
სომხეთის დელეგაციის ხელმძღვანელმა შეშფოთება გამოთქვა სირიასა და ერაყში არსებული ვითარების გამო, სადაც მრავალი ქვეყნის ქრისტიანული ფასეულობები საფრთხის წინაშეა, რასაც სრულიად საქართველოს კათოლიკოს-პატრიარქიც დაეთანხმა.
ამასთან, გალუსტ საჰაკიანმა კათოლიკოს-პატრიარქს მიმართა, ყურადღება გამოიჩინოს საქართველოს ტერიტორიაზე სომხური კულტურული მემკვიდრეობის ძეგლების მიმართ. საჰაკიანმა ჩამოთვალა რამდენიმე ძეგლი, რომლის აღდგენისა და მოვლა-პატრონობის საკითხიც დასვა.
"ჩვენს ქვეყნებს შორის ურთიერთობა მუდამ იყო ყურადღების ცენტრში, ეს არის ბუნებრივი, გამომდინარე იქიდან, რომ ჩვენი ყველა კულტურული ფასეულობა ჩვენი ქვეყნებისა და ერების განვითარების საფუძველია. ამ მხრივ მინდა თქვენი ყურადღება მოვიზიდო საქართველოს ტერიტორიაზე სომხური კულტურული მემკვიდრეობის ძეგლების მიმართ. კერძოდ, თქვენი ყურადღების ქვეშ იყოს ტაძრები, ისეთი ტაძრები, როგორიც არის სუბგევორქის, სუბნიშანის და ნორაშენის ტაძრები. მათი აღდგენა და მოვლა-პატრონობის საკითხები", - აღნიშნა შეხვედრაზე სომხეთის რესპუბლიკის ეროვნული ასამბლეის თავმჯდომარემ გალუსტ საჰაკიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
