სენაკში ბაზრობა დაიწვა

სენაკში, ხანძრის შედეგად, ბაზრობა დაიწვა. დამწვარია ბაზრობის თითქმის მთელი ტერიტორია, 3000 კვადრატული მეტრი. ადგილზე მობილიზებული იყო რეგიონის ყველა სახანძრო-სამაშველო სამსახური. მაშველებმა მოვაჭრეების გამოყვანა მოახდინეს.

ცეცხლის კერების ლოკალიზება 3 საათში მოხდა. მოვაჭრეები აცხადებენ, რომ განადგურებულია საქონელი. მოვაჭრეების თქმით, მათ ბანკის ვალები აქვთ და ხელისუფლებისგან დახმარებას მოითხოვენ.

სენაკის ბაზრობის მფლობელის, მურად შამათავას თქმით, არსებობს გონივრული ეჭვი, რომ ხანძარი ხელოვნურად არის მოწყობილი.

"3000 კვადრატული მეტრის განადგურება 7 წუთის განმავლობაში, ყველაფრის ერთდროულად დაწვა, გონივრულ ეჭვს იწვევს ", - აღნიშნა შამათავამ.

"ინტერპრესნიუსი"