მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოში შემოსულ 14 ადამიანს ებოლას ვირუსზე აკვირდებიან
11:17 / 22-08-2014
უცხოეთის იმ ქვეყნებიდან, სადაც ებოლას ვირუსია გავრცელებული, საქართველოში 14 ადამიანი შემოვიდა. ამის შესახებ "ინტერპრესნიუსს" დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფექციურ დაავადებათა სამსახურის უფროსმა, ხათუნა ზახაშვილმა განუცხადა.
მისივე თქმით, საქართველოში ჩამოსულთა უმეტესობა ნიგერიიდან არის. ეს პირები აღრიცხვაზე არიან და მიმდინარეობს მათზე ზედამხედველობა.
"მათი ჯანმრთელობის მდგომარეობა ეჭვს არ იწვევს. ისინი ჯანმრთელები არიან. რეალურად იმის რისკი, რომ ნიგერიიდან დაავადებული შემოვიდეს ისედაც დაბალია, რადგან 174 მილიონიან ქვეყანაში დაავადების მხოლოდ 13 შემთხვევაა დარეგისტრირებული. საქართველო პირველი საფრთხის ქვეყნებს შორის არ განიხილება, სადაც შესაძლებელია ებოლას ვირუსის შეტანა. საქართველომ დააწესა, რომ უნდა მოხდეს იმ ქვეყნიდან შემოსულთა რეგისტრირება, სადაც ებოლას ვირუსის შემთხვევები გამოვლინდა. მათზე ზედამხედველობა 21 დღის მანძილზე გრძელდება. ეს არის მაქსიმალური საინკუბაციო პერიოდი, რის შემდეგაც ისინი აღარ დაავადდებიან. საზღვრის გადმოკვეთისას პირებს ეძლევათ სპეციალური სამახსოვრო, რომელიც უხსნით, რომ დაავადების სიმპტომების გაჩენის შემთხვევაში, სად შეუძლიათ სამედიცინო დახმარების მიღება", - აღნიშნა ზახაშვილმა.
მისივე თქმით, საქართველოში შემოსულთა შორის ზოგიერთი სტუდენტია. მისივე განმარტებით, სასწავლო პროცესის დაწყებისას ქვეყანაში შემომსვლელთა რაოდენობა გაიზრდება და ისინი ზედამხედველობის ქვეშ იქნებიან.
ამასთან, "ინტერპრესნიუსი" სამედიცინო უნივერსიტეტის კანცლერს ზურაბ ორჯონიკიძეს დაუკავშირდა. როგორც ცნობილია, სამედიცინო უნივერსიტეტში ყველაზე მეტი უცხოელი სტუდენტი სწავლობს.
"სამედიცინო უნივერსიტეტში მსოფლიოს 38 ქვეყნის 2000-მდე უცხოელი სტუდენტი სწავლობს. ძირითადად ინდოეთიდან, ევროკავშირის ქვეყნებიდან, ისრაელიდან, ამერიკიდან და სხვა ქვეყნებიდან. აფრიკის ქვეყნებიდან კი 100-მდე სტუდენტი სწავლობს, მათი უმეტესობა - 87 ნიგერიიდან არის. სტუდენტების უმრავლესობა არდადეგებზეა წასული. ჩვენი უნივერსიტეტის სტუდენტებიც სხვა ქვეყანაში ჩამომსვლელებისთვის გათვალისწინებულ წესებს დაემორჩილებიან და დაკვირვების ვადის ამოწურვის შემდეგ გააგრძელებენ სწავლას", - დასძინა ზურაბ ორჯონიკიძემ.
ამასთან, ინფექციური პათოლოგიების ცენტრში არის სპეციალური ბოქსირებული განყოფილება, სადაც მოწყობილია სპეციალური იზოლირებული ბოქსები, სპეციალური გამწოვი აპარატურით.
როგორც ინფექციური პათოლოგიების ცენტრის შერეული და განსაკუთრებით საშიშ ინფექციების განყოფილების ხელმძღვანელმა მარინა ენდელაძემ "ინტერპრესნიუსს" განუცხადა, ებოლას ვირუსი განსაკუთრებით საშიში ვირუსია, ამიტომ საჭიროა უსაფრხოების რეჟიმის დაცვა, რათა არ მოხდეს ამ დაავადების გავრცელება.
"სპეციალური იზოლირებული ბოქსების გამწოვი აპარატურა უზრუნველყოფს უარყოფითი და დადებითი წნევის არსებობას პალატასა და კორიდორს შორის. აღნიშნულის შედეგად ვირუსი კორიდორში ვერ გავრცელდება. ასევე ბოქსებს აქვს ცალკე შესასვლელი პაციენტებისთვის და ცალკე მედპერსონალისთვის. მედპერსონალისთვის ბოქს აქვს შლუზი, რომელიც ყველანაირი უსაფრთხოების რეჟიმის დასაცავი საშუალებით: სათვალეებით, ხელთათმანებით, ბახილებით, ქუდებით, პირბადეებით, ხალათებითა და სხვა საშუალებებით არის აღჭურვილი. მედპერსონალი აღიჭურვება ამ მოწყობილობით. შეასრულებს თავის მოვალეობას და იმავე ოთახში მოხდება ამ უსაფრთხოების საშუალებისგან გათავისუფლება და გასანადგურებლად შეგროვება", - დასძინა მარინა ენდელაძემ.
ჯანდაცვის მსოფლიო ორგანიზაციის ინფორმაციით, დღეისთვის მსოფლიოში ებოლას ვირუსით ინფიცირების 2000 ათასზე მეტი შემთხვევა დაფიქსირდა, მათგან 1000-ზე მეტი ლეტალურად დასრულდა. დაავადების შემთხვევები დაფიქსირდა გვინიაში, ლიბერიაში, სიერა ლეონესა და ნიგერიაში.
ებოლას ჰემორაგიული ცხელების საწინააღმდეგო პროტოტიპული ვაქცინის აპრობაცია ადამიანებში უკვე დაიწყეს.
ჯანდაცვის მსოფლიო ორგანიზაციამ ებოლას ვირუსის შემთხვევების მატება აფეთქებად შეაფასა. ვირუსის იდენტიფიცირება პირველად გასული საუკუნის 70-იან წლებში მოხდა. სპეციალისტებისთვის ჯერჯერობით გაურკვეველია, რატომ მოხდა ახლა მისი გავრცელება და იგი შესწავლის საგანია.
დაავადება მაღალი ტემპერატურის ფონზე თავის ტკივილით იწყება, რასაც თან მასიური სისხლჩაქცევები ახლავს, ასევე მრავალი ორგანოსა და ფუნქციის მოშლა. მძიმე დაავადებაა და იგი ლეტალურად მთავრდება. თუმცა, ადრეულ ეტაპზე სამედიცინო დახმარების მიმართვისა და ადეკვატური თერაპიის მიღების შემთხვევაში, დაავადებული შესაძლოა გადარჩეს.
ებოლას ვირუსი ადამიანიდან ადამიანზე ბიოლოგიურ სითხეებთან კონტაქტის შემთხვევაში გადადის. კერძოდ, სისხლის, შარდის, განავალის, სპერმის კონტაქტის შემთხვევაში, რაც შესაძლოა ინფექციის გავრცელების წყარო გახდეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
