ხავიერ სოლანა ედუარდ შევარდნაძის გარდაცვალებას ეხმაურება

საქართველოს ყოფილი პრეზიდენტის ედუარდ შევარდნაძის გარდაცვალებას ესპანელი პოლიტიკოსი, ნატო-ს ყოფილი გენერალური მდივანი ხავიერ სოლანა "ტვიტერზე" ეხმაურება.

"საბჭოთა კავშირის ყოფილი საგარეო საქმეთა მინისტრი და საქართველოს ექს-პრეზიდენტი ედუარდ შევარდნაძე გარდაიცვალა. სამწუხაროა. დიდებული ადამიანი და მეგობარი გახლდათ, რომელმაც ფუნდამენტური როლი შეასრულა საბჭოთა კავშირის დაშლასა და გერმანიის გაერთიანებაში", - დაწერა ხავიერ სოლანამ "ტვიტერზე".

ედუარდ შევარდნაძე დღეს, 86 წლის ასაკში გარდაიცვალა. ედუარდ შევარდნაძე საქართველოს პრეზიდენტი იყო 1995-2003 წლებში.

"ინტერპრესნიუსი"