სომხეთის პრეზიდენტმა მთავრობის გადადგომას ხელი მოაწერა

სომხეთის პრეზიდენტმა სერჟ სარგსიანმა დღეს მთავრობის გადადგომას ხელი მოაწერა, - ამის შესახებ "ნიუს.ამ"-ი იუწყება.

სომხეთის პირველი პირის პრესსამსახურის ცნობით, პრეზიდენტის ბრძანების თანახმად, მთავრობის წევრები მოვალეობას ახალი მთავრობის ფორმირებამდე შეასრულებენ.

როგორც ცნობილია, გუშინ სომხეთის პრემიერმინისტრი ტიგრან სარქისიანი გადადგა. პრემიერის გადადგომის შემდეგ, კონსტიტუციის თანახმად, მინისტრთა კაბინეტიც უნდა გადადგეს. პრეზიდენტმა ახალი პრემიერი ათი დღის ვადაში უნდა დანიშნოს, მინიტრთა კაბინეტის ფორმირება კი 20 დღეში უნდა მოხდეს.