19
მარტიდღის ზოგადი ასტროლოგიური პროგნოზი
მოთხოვნა მეტალზე მას შემდეგ გაიზარდა, რაც გავრცელდა ინფორმაცია აშშ-ს ეკონომიკური ზრდის შენელების შესახებ. 1968 წლის შემდეგ ყველაზე განგრძლივ პერიოდიანი ზრდის ტენდენცია დაფიქსირდა ვერცხლის ფასზეც.
დაუყოვნებლივ მიწოდებით, ოქროს ზოდებზე ფასები 0,9 პროცენტით გაიზარდა და 1 330 აშშ დოლარს მიაღწია ერთ უნციაზე, რაც 31 ოქტომბრის შემდეგ ყველაზე მაღალი მაჩვენებელია. შესაბამისად, დღეს დილას, სინგაპურში, ერთი უნცია ოქრო 1,325.78 აშშ დოლარად ივაჭრებოდა. საერთო ჯამში ფასები მეტალზე წინა კვირის შემდეგ 4,1 პროცენტით გაიზარდა, რაც ყველაზე მასშტაბური ზრდაა გასული წლის 16 აგვისტოს შემდეგ.
მიმდინარე წელი ოქრომ მოგებით დაიწყო და ეს ტენდენცია ამ ხნის განმავლობაში არ შეცვლილა. საერთო ჯამში მეტალის ფასმა ახალი წლის შემდეგ 10 პროცენტით იმატა, რამდენადაც მოთხოვნა ოქროს მონეტებსა და ზოდებზე სულ უფრო იზრდება. ამის მიზეზი კი აშშ-ის ეკონომიკაში რყევების ნიშნების გამო ინვესტორების მუდმივად მზარდი ინტერესია ოქროთი გამყარებული აქტივების მიმართ.
რაც შეეხება ვერცხლს, დაუყოვნებლივ მიწოდებით ვერცხლის ფასი 2,2 პროცენტით გაიზარდა და ერთ უნციაზე 21,9791 აშშ დოლარი შეადგინა, რაც ყველაზე მაღალი მაჩვენებელია 7 ნოემბრის შემდეგ ($21.7676). აღსანიშნავია, რომ ვერცხლის ფასი 12 დღეა უწყვეტად იმატებს, რაც, Bლოომბერგ-ის თანახმად, ყველაზე გრძელვადიანი მატების პერიოდია 1968 წლის შემდეგ.
ერთი უნცია ოქრო დღეისათვის 60.5213 უნცია ვერცხლს უტოლდება, რაც 2 იანვრის შემდეგ ყველაზე დაბალი მაჩვენებელია.
0,5 პროცენტით გაიზარდა ფასები პლატინაზეც და დღეს, დილას ბირჟებზე ერთი უნცია 1,434.25 აშშ დოლარად ივაჭრებოდა. ეს 27 იანვრის შემდეგ მაქსიმალური მაჩვენებელია.
გაიზარდა პალადიუმის ფასიც 0,6 პროცენტით და ამ დროისათვის ერთი უნცია 742 აშშ დოლარად ივაჭრება - ყველაზე მაღალ ფასად 24 იანვრის შემდეგ, როცა მისი ფასი 741.30 აშშ დოლარს შეადგენდა.
BPN.GE
