28
მარტიდღის ზოგადი ასტროლოგიური პროგნოზი
10 განსხვავებული ოთახი სხვადასხვა სირთულეებით, ლაბირინთები, დაბრკოლებები და თავგადასავლები, რომლებმაც არ უნდა შეგაშინოთ - აქ მთავარი გასაღების აღება და რაც შეიძლება მეტი განძის მოპოვებაა. ეს ფორდ ბოიარდი არ არის - ეს ყველაზე ორიგინალური და განსხვავებული ბავშვთა გასართობი ცენტრი "ლოსთია".
აქ ბავშვები გუნდებად იყოფიან და ერთმანეთს სხვადასხვა დავალების შესრულებაში ეჯიბრებიან. მათ დაბრკოლებები არ აფერხებთ, სტიმულიც დიდი აქვთ, ერთმანეთს საკუთარი ძალის დამტკიცებაში და ლოსთის საგანძურის მოპოვებაში ეჯიბრებიან.
"ჩვენ ყველაზე ორიგინალური ბავშვთა გასართობი ცენტრი გვაქვს. აქ პატარებს უამრავი დაბრკოლება და თავგადასავალი ხვდებათ. ყველაფერს აკეთებენ, რომ წარმატება მოიპოვონ, წარმატების მოპოვება კი გასაღების აღებაში იგულისხმება. აქ ყველა ბავშვი ბედნიერია და ცენტრს დადებითი ემოციებით ტოვებენ", - ამბობს ლოსთის ანიმატორი შალვა ხელაძე.
"ლოსთი" ყველაზე ორიგინალური გასართობი ცენტრია, რომლის მსგავსიც თბილისში არ არის. თავგადასავლების მოყვარული მოზარდები ცენტრს აუცილებლად დადებითი ემოციებით დამუხტულები დატოვებენ, რადგან უამრავი გასართობის გარდა, მათი განწყობის შექმნაზე ანიმატორებიც ზრუნავენ.
გასართობი ცენტრის შერჩევა უჭირდა გვანცა ფერაძესაც. "ლოსთი" დედამ ურჩია. მეგობრებთან ერთად მისთვის ყველაზე მნიშვნელოვანი დღის აღნიშვნა სწორედ აქ გადაწყვიტა.
"ვერ გადავწყვიტე, სად გადამეხადა დაბადების დღე. დედამ "ლოსთის" ვებ-გვერდი დამათვალიერებინა, ფოტოები ძალიან მომეწონა. მოსვლა აქ გადავწყვიტე და დღეს ძალიან კმაყოფილი ვარ. ძალიან მაგარი გასართობი ცენტრია, იმაზე უკეთესად ვერთობი, ვიდრე წარმომედგინა. ჩემი მეგობრებიც კმაყოფილები არიან, ძალიან კარგად ვერთობით", - ამბობს გვანცა ფერაძე.
გვანცას მსგავსად "ლოსთს" პირველად ესტუმრა მისი მეგობარი გიორგიც. შთაბეჭდილებებს ისიც აღფრთოვანებული გვიყვება. ამბობს, რომ დაბადების დღეს მომავალში ისიც აქ გადაიხდის.
"ისე ძალიან მომეწონა რომ ვფიქრობ ჩემს დაბადების დღესაც აქ გადავიხდი. ლოსთში ძალიან ბევრი გართობა და თავგადასავალი დაგვხვდა. ყველაზე მეტად იმიტომ მომეწონა, რომ ფორდ ბოიარდის სტილშია", - ამბობს გიორგი გოგუაძე.
გარდა გამორჩეული სპორტულ-სათავგადასავლო თამაშებისა, ლოსთი ხელმისაწვდომი ფასებითაც გამოირჩევა. აქ მოსვლა და გართობა 15 წლამდე ასაკის ნებისმიერ მსურველს შეუძლია.
ბავშვთა გასართობი ცენტრი ერთი თვის წინ გაიხსნა. თავგადასავლების მოყვარულებს აქ მოსვლა და გართობა ყოველდღე დილის 10-დან საღამოს 9 საათამდე შეუძლიათ.
R
