25
მარტიდღის ზოგადი ასტროლოგიური პროგნოზი
ებრაული კომპანია Tactical Robotics Ltd-ის მიერ შექმნილი ვერტიკალური აფრენა-დაფრენის უპილოტო საფრენი აპარატის საფრენოსნო გამოცდები დაიწყო. სამხედრო დანიშნულების უპილოტოს მართვა როგორც მიწაზე მყოფ ოპერატორს, ასევე ავტოპილოტს - მასში წინასწარ ჩადებული მარშრუტის მეშვეობით შეუძლია.
ახალი AirMule-ის მთავარი დანიშნულება ტვირთის გადატანა და ბრძოლის ველიდან დაჭრილების ევაკუაციაა. უპილოტოს 640 კგ-მდე ტვირთის გადატანა შეუძლია. მძლავრი ძრავების წყალობით, AirMule მაქსიმალურ 180 კმ/სთ სიჩქარეს ავითარებს.
კორპუსის შიგნით დამალული ხრახნები უპილოტოს ვერტიკალურ აფრენა-დაფრენას უზრუნველყოფენ. ამ ფუნქციის წყალობით, აპარატს დაშვება და მასზე დაკისრებული ამოცანის შესრულება ქალაქის ქუჩებშიც შეუძლია. ამავდროულად კორპუსის შიგნით მოთავსებული ხრახნები დაზიანებებისგან უფრო დაცულია.
გამოცდების პროცესში AirMule-მა ავტონომიურ რეჟიმში ვერტიკალური აფრენა, წინასწარ დაპროგრამებულ მარშრუტზე ფრენა და დაჯდომა შეასრულა. უპილოტოს ნავიგაციას GPS სისტემა უზრუნველყოფს.
AirMule-ის შესაძლებლობების სრული დემონსტრირება გაისად, მეორე პროტოტიპის გამოყენებით მოხდება, რომელიც ამჟამად მშენებლობის პროცესშია.
მოამზადა ნუკრი მგელაძემ popmech.ru-ის მიხედვით.
