მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ირაკლი ჩოლოყაშვილი: "ნაციონალურ მოძრაობაში" შესვლას მაიძულებენ" (ექსკლუზივი)
04:44 / 23-12-2013
მსახიობი ირაკლი ჩოლოყაშვილი "ფეისბუქის" საკუთარ გვერდზე წერს: "ჩემო (5000-ო) მეგობრებო. დღეს მინდა, გამცნოთ, რომ სურვილი მაქვს, გავხდე "ერთიანი ნაციონალური პარტიის" წევრი. მაპატიეთ, თუ ვინმეს ამ განცხადების შემდეგ ჩემზე შეგეცვლათ წარმოდგენა... უმორჩილესად გთხოვთ, რომ ამომშალოთ მეგობრების სიიდან! ღმერთმა სიკეთე მოგცეთ! :-)"
მისი ეს განცხადება ბევრს გაუკვირდა და საკუთარ მოსაზრებებს იქვე წერდნენ. ზოგი იმასაც ამბობდა, - მეგობრების სიიდან უკვე ამოგშალეო...
"ამბები.გე" კომენტარისთვის ირაკლი ჩოლოყაშვილს დაუკავშირდა.
- რატომ გადაწყვიტეთ, რომ გახდეთ "ნაციონალური მოძრაობის" წევრი?
- მაიძულებენ...
- ვინ გაიძულებთ?
- პოლიტიკოსები... დიახ, დღეს არსებული მთავრობა თავიანთი საქციელით ამას მაიძულებს...
- "ნაციონალურ მოძრაობას" თუ შეეხმინეთ?
- არა, ეს გადაწყვეტილება ჯერ მხოლოდ ჩემთვის მივიღე.
- არც "ნაციონალებიდან" შეგეხმიანათ ვინმე?
- ჯერ არ ვიცი, სამწუხაროდ, დილიდან ცუდ ამბებზე დავრბივარ, ნათესავი გარდამეცვალა და ინტერნეტთან ვერ ვკონტაქტობ. ჩემი ეს ინფორმაცია გუშინ ტელეფონიდან დავდე. ამიტომ რა გამოხმაურება აქვს ამ ყველაფერს, არ ვიცი.
- მოკლედ, ახლა "ნაციონალებში" გაწვრების მთავარი მიზეზი ის არის, რომ არსებული ხელისუფლების ქმედება არ მოგწონთ. აქამდე თუ იყავით რომელიმე პარტიის წევრი?
- ადრე "საქართველოს სამეფო ლიგის" წევრი გახლდით.
- ის ორგანიზაცია რამენაირად ბაგრატიონებს თუ უკავშირდება?
- არანაირად, მაშინ ბაგრატიონების ხსენებაც არ იყო. "საქართველოს სამეფო ლიგა" "მრგვალ მაგიდაში" შემავალი ორგანიზაცია იყო...
- ახლა პარტიის წევრობა როგორც მსახიობს ხელს არ შეგიშლით?
- როდესაც ასეთ გადაწყვეტილებას იღებ, მაშინ ასეთ რაღაცებზე არ ფიქრობ, სხვა მოტივაცია გაქვს.
- ამ ხელისუფლების მთავარ შეცდომად რას მიიჩნევთ და რა მოგწონთ "ნაციონალების?"
- "ნაციონალების" პარტიაში შესვლა რომ მდომოდა, ადრეც გავწევრდებოდი, როცა ხელისუფლებაში იყვნენ. მაშინ ეს სურვილი არ გამჩენია, ახლა გამოუვალი მდგომარეობაა. თუ ვინმე მომბაძავს, კარგი იქნება. ისე, მარტოც არ ვარ.
- სხვა მსახიობები არიან თქვენ გვერდით?
- პროფესიულად არ განმისაზღვრავს ის ჯგუფი, მაგრამ მეგობრები მყავს, ვინც ასეთივე სურვილს ავლენს.
- ამ ხელისუფლების მთავარ შეცდომად რას მიიჩნევთ-მეთქი. ამაზე არ მიპასუხეთ.
- ბოლოს გიგი უგულავას სასამართლო დეტონატორი აღმოჩნდა...
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
