ერთი ნაკლი მაქვს, ველოსიპედი არ მიყვარს - ღარიბაშვილმა გოგა ხაჩიძეს უპასუხა
შინაგან საქმეთა მინისტრობის პერიოდში არავითარი ჩავარდნა არ მქონია, - ამის შესახებ საპარლამენტო უმცირესობასთან შეხვედრისას საქართველოს პრემიერ-მინისტრობის კანდიდატმა ირაკლი ღარიბაშვილმა განაცხადა.
უმცირესობის წევრი გოგა ხაჩიძე დაინტერესდა, თუ რას მიიჩნევს ირაკლი ღარიბაშვილი შს მინისტრობის პერიოდში მუშაობისას მის ნაკლად. "რაიმე ნაკლი თუ გაგაჩნდათ შს მინისტრობის დროს. თქვენ რომ გაუბედურებული პოლიცია ჩაგიბარებიათ, ეს გავიგე", - მიმართა ხაჩიძემ ღარიბაშვილს.
როგორც აღნიშნული შეკითხვის პასუხად მომავალმა პრემიერ-მინისტრმა განაცხადა, მისი ნაკლია ის, რომ ველოსიპედი არ უყვარს. "კი, მაქვს ნაკლი. ველოსიპედი არ მიყვარს", - აღნიშნა ღარიბაშვილმა.
ამასთან დაკავშირებით ასევე უმცირესობის წევრი პავლე კუბლაშვილი დაინტერესდა, მიიჩნევს თუ არა ირაკლი ღარიბაშვილი ველოსიპედით სიარულს "გრეხად". გოგა ხაჩიძემ კი აღნიშნა, რომ ეს "უფროსის შუტკაა და იმეორებენ".
იხილეთ ვიდეო
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
