მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მეორე მსოფლიო ომის ყველაზე უჩვეულო სამხედრო პროექტები
06:04 / 07-11-2013
სამხედრო დაპირისპირებაში მონაწილე მხარეები ახალი იარაღითა და ტექნიკური ინოვაციებით უპირატესობის მოპოვებას ცდილობენ. ამ მხრივ, გამონაკლისი არც მეორე მსოფლიო ომი იყო. უცნაური სამხედრო პროექტების შექმნით თავი ომის თითქმის ყველა მონაწილემ გამოიჩინა.
მფრინავი ტანკი
გერმანელებზე უპირატესობის მოპოვებას საბჭოთა სპეციალისტები მფრინავი ტანკის შექმნით შეეცადნენ. სპეციალური განკარგულება 1941 წელს გამოსცეს. მსუბუქ ტანკს Т-60, ხისგან დამზადებული ფრთები დაუმაგრეს. უცნაური იერის კონსტრუქციას ჰაერში ასაფრენად სხვა თვითმფრინავი დაეხმარებოდა, რომელიც მფრინავ ტანკს ბუქსირზე აიყვანდა. დანიშნულების ადგილას მისვლის შემდეგ, მფრინავი ტანკი ფრენას დამოუკიდებლად აგრძელებდა, მიწაზე პლანირებით ეშვებოდა და ფრთების მოშრების შემდეგ ბრძოლაში ერთვებოდა. მფრინავი ტანკი პირველად 1942 წლის 2 სექტემბერს აფრინდა. 40 მეტრის სიმაღლეზე ასვლის შემდეგ ის მიწაზე წარმატებით დაეშვა. თუმცა პროექტი მალევე დახურეს.
იაპონური ცეცხლოვანი ბურთები
ამერიკასთან გამართულ ომში გარდატეხის შეტანას იაპონელები საჰაერო ბურთებით შეეცადნენ. 1944-45 წლებში იაპონიიდან აშშ-ის მიმართულებით 10 ათასამდე საჰაერო ბურთი გაუშვეს. წყალბადით სავსე ბურთები 11-12 კილომეტრის სიმაღლეზე ადიოდნენ, საიდანაც სამიზნემდე მათ გადაადგილებას პლანეტის ამ რეგიონში მოძრავი ჰაერის მასები უზრუნველყოფდნენ. სპეციალისტთა აზრით, იაპონიის კუნძლებიდან ამერიკის ტერიტორიამდე მისაღწევად საჰაერო ბურთებს 72 სთ დასჭრდებოდათ. ამ დროის გავლის შემდეგ სპეციალური მოწყობილობა საჰაერო ბურთზე ჩამოკიდებულ სასიკვდილო ტვირთს - რამდენიმე ბომბს მიწაზე აგდებდა.
იაპონელთა მიზანს აშშ-ის ტყის მასივები წარმოადგენდნენ. ბომბებისგან ტყეში გაჩენილი ძლიერი ხანძრები ამერიკის მოქალაქეთა დემორალიზაციას მოახდენდა. ოპტიმისტური გათვლების მიუხედავად, აშშ-მდე მხოლოდ 300-მა ცეცხლოვანმა საჰაერო ბურთმა მიაღწია, რომლებმაც მხოლოდ 6 ამერიკელის სიცოცხლე (1 ქალი და 5 მცირეწლოვანი ბავშვი) შეიწირეს.
მხტუნავი ბრიტანული ბომბი
მეორე მსოფლიო ომისას ბრიტანელმა ინჟინერმა ბარნს უოლესმა გერმანელების კაშხალებისა და ჰიდროელექტროსადგურების დასანგრევად მხტუნავი ბომბი გამოიგონა. წყალში ჩავარდნილი ბომბი რამდენიმე ნახტომს ასრულებდა. შემდეგ კაშხლის კედელთან იძირებოდა და წყალქვეშ ფეთქდებოდა. 1943 წლის 17 მაისს ჩატარებული ოპერაციისას, ბრიტანელებმა უოლესის გამოგონებით 2 გერმანული კაშხალი დაანგრიეს და ერთიც დააზიანეს.
მოამზადა ნუკრი მგელაძემ smartnews.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
