მკვლელობის ადგილზე მარიამ კოჩალიძის Iphone იპოვეს

სამართალდამცველებმა მკვლელობის ადგილზე მარიამ კოჩალიძის Iphone-ის მარკის მობილური ტელეფონი იპოვეს. როგორც "ინტერპრესნიუსს" ბათუმის პროკურორმა რამაზ შავაძემ განუცხადა, ტელეფონი შემთხვევის ადგილის დამატებითი დათვალიერების შემდეგ აღმოაჩინეს.

"მობილური ტელეფონი შემთხვევის ადგილის დამატებითი დათვალიერების შემდეგ აღმოვაჩინეთ. დადასტურებულია, რომ ეს ტელეფონი მარიამ კოჩალიძეს ეკუთვნოდა. მეტს ვერაფერს გეტყვით, გამოძიების ინტერესებიდან გამომდინარე, თუმცა ვიტყვი, რომ ყველა საჭირო საგამოძიებო მოქმედება ხორციელდება", - აღნიშნა შავაძემ.

მისივე თქმით, ასევე ნაპოვნია გარდაცვლილის ველოსიპედიც.

16 წლის მარიამ კოჩალიძე 23 ივლისს ბათუმის ახალი ბულვარის ბოლოს სანაპიროზე მოკლული იპოვეს.

იხილეთ ასევე: მარიამ კოჩალიძის მკვლელი ტერორისტი იყო?

"ინტერპრესნიუსი"