28
მარტიდღის ზოგადი ასტროლოგიური პროგნოზი
მოსკოვში მოღვაწე მომღერლის, მანანა თოდაძის მესამე ქორწინების შესახებ გავრცელებული ხმები სიცრუე აღმოჩნდა. ქართული ინტერნეტგამოცემები 2 დღეა წერენ მანანა თოდაძისა და მისი პროდიუსერის, ბიძინა (ბიბი) სირბილაძის ქორწინების შესახებ.
"ამბები.გე" მანანა თოდაძეს მოსკოვში დაუკავშირდა. მისი ახალი ქორწინების შესახებ ინფორმაცია მომღერლისთვის სახალისო აღმოჩნდა. ცოტათი დაიბნა, ამ სისულელეზე რა კომენტარი უნდა გავაკეთოო და გათხოვების ამბავი უარყო.
ქართულ მედიაპორტალებზე გავრცელებული ინფორმაცია პროდიუსერ ბიბი სირბილაძისთვისაც სახალისო გამოდგა.
- ბევრი ვიხალისე ამ ამბავზე. მე და მანანა კარგი მეგობრები ვართ. ერთად ვმუშაობთ. დღესაც მოსკოვში ქართული საღამო უნდა გავმართოთ. მე პოდმოკსოვიეში ვარ. საღამოს მანანას ვნახავ და უკვე ერთად ვიხალისებთ ამ სულელურ ამბავზე.
- ვის დასჭირდა თქვენი "შეუღლება"?
- ნამდვილად არ ვიცი. 2 დღის წინ "ფეისბუქის" ჩემი გვერდი გატეხეს. მგონია, იქ ეძებდნენ ჩემი და მანანას პირად სასიყვარულო წერილებს, მაგრამ იმედი გაუცრუვდათ, ჩვენი წერილები მხოლოდ საქმიანია და მეტი არაფერი. კარგია, თუ საქართველოში სხვა პრობლემა და თემა არ არსებობს, გარდა იმისა, რომ ჩემზე და მანანა თოდაძეზე იგონებენ ჭორებს.
- შეყვარებული ან საცოლე თუ გყავს?
- მყავს შეყვარებული, თუმცა ჯერ დაოჯახებას არ ვფიქრობ.
მანანა თოდაძეს ორი შვილი - ლეილა თოდაძე და თამარ შხიანი ჰყავს. ლეილა ქალაქური სიმღერების ცნობილი მომღერალია. მომღერალი დედა-შვილი მოსკოვში ცხოვრობს და არაერთი კულტურული ღონისძიების ორგანიზატორები არიან. მანანა თოდაძე საკუთარ მუსიკალურ სტუდიაში რუს ბავშვებს ქართულ სიმღერებს ასწავლის. ის ხშირად მუსიკალური კონკურსების ჟიურის თავმჯდომარეცაა.
რაც შეეხება ბიბი სირბილაძეს, წერს ლექსებს და მანანა თოდაძის პროდიუსერია. მას პირველი ქორწინებიდან 7 წლის ანუკა სირბილაძე ჰყავს.
გიორგი ბერიძე
