მნიშვნელოვანი ინფორმაცია
16
მარტიდღის ზოგადი ასტროლოგიური პროგნოზი
ორშაბათი, მთვარის მეცხრამეტე დღე დაიწყება 23:42-ზე, მთვარე მორიელში იქნება 11:30-ზე
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. მოერიდეთ ცხარე და ცხიმიან საკვებს. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიორგი თარგამაძე საპრეზიდენტო კანდიდატია
07:35 / 12-07-2013
"ქრისტიან-დემოკრატიული მოძრაობის" ლიდერი გიორგი თარგამაძე საპრეზიდენტო არჩევნებში მიიღებს მონაწილეობას, - აღნიშნულის შესახებ განცხადება გიორგი თარგამაძემ ქდმ-სა და აღმოსავლეთ ევროპის ქვეყნების "ქრისტიან-დემოკრატების" ერთობლივ კონფერენციაზე გააკეთა, რომელიც სასტუმრო "ჰოლიდეი ინნში" მიმდინარეობს.
"ალბათ სიმბოლურია, რომ ეს განცხადება გაკეთდა დღევანდელ დღეს - პეტრე-პავლობის დღესასწაულზე და კონფერენციაზე, რომელსაც ჩვენი ევროპული მეგობრები ესწრებიან. ჩვენი განზრახვიდან ჩანს, თუ რა მიმართულებით უნდა იაროს საქართველომ. ესაა ძალიან რთული, მაგრამ აუცილებელი ამოცანა, ერთი მხრივ, შევინარჩუნოთ ეროვნული თვითმყოფადობა და მეორე მხრივ, ხელი შევუწყოთ საქართველოს, როგორც თანამედროვე ევროპული სახელმწიფოს ჩამოყალიბებას, ეს შეუძლია მხოლოდ ქრისტიან-დემოკრატიულ იდეოლოგიას. ესაა, ის იდეები, რისთვისაც მე და ჩემი თანამოაზრეები ვიბრძოდით ყველა არჩევნების დროს. ჩვენ, 27 ოქტომბრის არჩევნებშიც მივიღებთ მონაწილეობას. ყველა არჩევნებში მონაწილეობას არა თუ აქვს აზრი, არამედ, ესაა ჩვენი პიროვნული, პარტიული და ეროვნული ვალდებულება. მე იდეალისტი ვარ და ღრმად მწამს, რომ ქრისტიანულ ეთიკაზე დაფუძნებული პოლიტიკით შეიძლება ქვეყნის გამთლიანება და გაძლიერება. სწორედ ამიტომ გადავწყვიტე მონაწილეობა მივიღო საპრეზიდენტო არჩევნებში", - განაცხადა გიორგი თარგამაძემ.
რაც შეეხება მედიის წარმომადგენლების შეკითხვას, რატომ ვერ მოხერხდა არასაპარლამენტო ოპოზიციის მიერ ერთიან საპრეზიდენტო კანდიდატზე შეთანხმება, თარგამაძემ განმარტა, რომ ზოგიერთი ოპოზიციური პარტიის ლიდერმა საკუთარი კანდიდატურა უკვე დააყენა და აღნიშნული შეკითხვა მასთან მიმართებაში "უადგილოა".
"სამწუხაროდ, ეს თემა აქტუალური უკვე ორი თვეა აღარაა, რადგან არასაპარლამენტო ოპოზიციის წარმომადგენელმა, ზოგიერთი პარტიის ლიდერმა უკვე დააყენა საკუთარი კანდიდატურა. ასე, რომ ეს თემა ჩემთან მიმართებაში უადგილოა. თუმცა, ეს არ გამორიცხავს თანამშრომლობას. თუ იმასაც გავითვალისწინებთ, რომ საქართველოში 27 ოქტომბრის არჩევნები არ იქნება საბოლოო გადაწყვეტილების მიღების თარიღი და დიდი ალბათობით, გაიმართება მეორე საპრეზიდენტო ტური, მე ჩემს ყველა ოპოზიციონერ კოლეგასთან ერთად მზად ვარ სათანამშრომლოდ. შეგვიძლია ჩავთვალოთ, რომ ოპოზიციური პოლიტიკური ლიდერებისთვის ეს შეიძლება იყოს გარკვეული პრაიმერი. ასე, რომ საინტერესო არჩევნები გველის", - აღნიშნა თარგამაძემ.
მისივე განმარტებით, საარჩევნო კამპანიის "გახურებამდე" მთავარი კონკურენტების დასახელება გაუჭირდება.
"საარჩევნო კამპანიის გახურებამდე მთავარ კონკურენტებზე საუბარი ჩემი მხრიდან არაკორექტული იქნება. მე შემიძლია გითხრათ, ვინ შეიძლება იყოს მთავარი მოწინააღმდეგეები - გამომდინარე იქიდან, რომ ჩვენ ვქადაგებთ და ვემსახურებით ქრისტიან-დემოკრატიულ იდეოლოგიას, გამომდინარე იქიდან, რომ საქართველო წარმოგვიდგენია ევროპული ოჯახის განუყოფელ ნაწილად, ყველა ის კანდიდატი, რომელიც ჩვენგან განსხვავებულ იდეების ქადაგებას დაიწყებს, თავისთავად აღმოჩნდება ჩვენს მოწინააღმდეგეთა რიგებში. ბევრი ღირსეული კანდიდატია, მაგრამ სექტემბრში, როცა გახურდება კამპანია, უფრო ადვილი იქნება მთავარი კონკურენტების გამოკვეთა", - აღნიშნა თარგამაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მეტეხის ხიდიდან, მტკვარში კიდევ ერთი მანქანა გადავარდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
