მიხეილ სააკაშვილი - "თუ ბიუჯეტი თავისი პრობლემების გადაწყვეტას ფიქრობს სტუდენტებზე ჯარიმების დაკისრებით, ეს სწორი მეთოდი არ არის"
კარგია, თუ უნივერსიტეტების რექტორებს მთავრობა აღარ დანიშნავს, ყოველ შემთხვევაში, გუშინწინ ჩვენ ეს მოვისმინეთ, - ამის შესახებ საქართველოს პრეზიდენტმა, მიხეილ სააკაშვილმა პრეზიდენტის სასახლეში, ტექნიკური უნივერსიტეტის პროფესორ-მასწავლებლებთან შეხვედრაზე განაცხადა.
პრეზიდენტმა ასევე იმედი გამოთქვა, რომ განათლების სამინისტრო დაადგენს ყველა პროფესორის თანამდებობრივ სარგოს. "მიმაჩნია, რომ თქვენი ანაზღაურება არის იმაზე ნაკლები, ვიდრე უნდა იყოს. ამას ვიღებ, როგორც საკუთარი თავის კრიტიკას და თვითკრიტიკას გამოვხატავ. მაგრამ, ახლა ვიღაც მოხელეს დავადგენინოთ სარგო, რომელსაც წარმოდგენა არ აქვს რა არის პრიორიტეტი, ეს არ არის სწორი. არ არის სწორი, რომ ასისტენტ-პროფესორები მასობრივად გავაყრევინოთ, არ არის სწორი, რომ უცხოელი სტუდენტები არ შემოვაშვებინოთ. სავიზო რეჟიმი შემოვიდა მთელ რიგ ქვეყანასთან, იმის დაუფიქრებლად, თუ რას უზამს ეს განათლებას ან თუნდაც ტურიზმს",-განაცხადა სააკაშვილმა.
მისივე თქმით, დღეს მან მოისმინა, რომ სტუდენტები, რომლებიც ითხოვდნენ არ შეზღუდულიყო უნივერსიტეტების თავისუფლება, ტრანსფარანტების გაკვრისთვის 1000 ლარით დააჯარიმეს. "ყველამ უნდა დაიცვას საზოგადოებრივი წესრიგი, მაგრამ, თუ ჩვენი ბიუჯეტი თავისი სერიოზული პრობლემების გადაწყვეტას ფიქრობს უპრეცედენტო ჯარიმების სტუდენტებზე დაკისრებით, ეს სწორი მეთოდი არ არის",-დასძინა სააკაშვილმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
