16
მარტიდღის ზოგადი ასტროლოგიური პროგნოზი
კარლ ლაგერფელდმა თავისი დაცვის თანამშრომელი, 38 წლის სებასტიან ჟონდო მოდელად აქცია. სებასტიანი ლაგერფელდის პირად დაცვაში უკვე 14 წელია მუშაობს. "შანელის" მოდის სახლის კრეატიულმა დირექტორმა ის მამაკაცების საავტორო კოლექციის მთავარ სარეკლამო სახედ აირჩია.
ჟონდო მოყვარული მოკრივეა. ფოტოსესიის კომენტირებისას, სებასტიანმა ისევე ცოტა ილაპარაკა, როგორც ეს პირადი დაცვის თანამშრომელს შეჰფერის.
"მე მთელს დროს კარლთან ერთად ვატარებ. ის ჩემი ბოსია და მე მას პატივს ვცემ", - აღნიშნა მოდელმა-დაცვამ.
კითხვაზე, მზად არის თუ არა ყველაფერი გააკეთოს ლაგერფელდის დასაცავად, ჟონდომ კამერას თვალი გაუსწორა და უპასუხა: "რა თქმა უნდა, ბოლომდე მზად ვარ. მისი დაცვის დროს არანაირი შეზღუდვა არ მაქვს!"
მომზადებულია WWD-ს მიხედვით.
