16
მარტიდღის ზოგადი ასტროლოგიური პროგნოზი
რომში 19 ივნისს მსახიობი ჯეიმს განდოლფინი გარდაიცვალა. განდოლფინი იტალიაში ისვენებდა. წინასწარი ინფორმაციით, მსახიობის გარდაცვალების მიზეზი გულის შეტევაა. ჯეიმსი 51 წლის იყო.
კარიერის მანძილზე განდოლფინმა მონაწილეობა 40-ზე მეტ ფილმში მიიღო, მათ შორის სურათებში -"მიზანი ნომერი პირველი", "მარტოხელა გულები", "ადამიანი, რომელიც არ არსებობდა" და "უკანასკნელი სასახლე".
ცნობადობა მსახიობს სერიალ "სოპრანოს კლანში" მაფიოზების ოჯახის მეთაურის, ტონი სოპრანოს როლმა მოუტანა. სერიალი ტელეარხ HBO-ს ეთერში 1999-2007 წლებში გადიოდა და დიდი პოპულარობით სარგებლობდა. 2013 წელს ამერიკის სცენარისტების გილდიამ "სოპრანოს კლანი" ისტორიის საუკეთესო სერიალად აღიარა.
ტონი სოპრანოს როლისთვის განდოლფინმა პრემია "ემმი" სამჯერ მოიპოვა, მას ამ გმირის განსახიერებისთვის "ოქროს გლობუსი" გადასცეს.
მომზადებულია Reuters-ის მიხედვით.
