რუსთავში 40 წლამდე ასაკის მამაკაცმა მშობლები დანით მოკლა

მკვლელობა მოხდა რუსთავში. ახმეტელის ქ. #4-ში 40 წლამდე ასაკის მამაკაცმა საკუთარი მშობლები დანით მოკლა. მშვენიერაძეების ოჯახში მისულ სიძეს კარი არავინ გაუღო, რის შემდეგაც მან სამაშველო სამსახური გამოიძახა . კარის შემტვრევის შემდეგ მას ადგილზე სისხლში ამოსვრილი სიძე-სიმამრი დახვდა. იქვე იდგა მათი 40 წლამდე ასაკის შვილი, რომელსაც ხელში დანა ეკავა.

მშვენიერაძეების მეზობლები დანაშაულის მოტივზე ვერ საუბრობენ და აცხადებენ, რომ ეჭვმიტანილი მშვიდი ხასიათის ადამიანია და ოჯახის წევრებთან კონფლიქტი არასდროს მოსვლია. ოჯახის წევრებს მკვლელობის მოტივზე საუბარი უჭირთ.

ეჭვმიტანილი ეპილეფსიით არის დაავადებული. ის პოლიციამ ადგილზე დააკავა. ამ დროისთვის მშვენიერაძეების საცხოვრებელ სახლში კრიმინალისტები მუშაობენ. მიმდინარეობს გამოძიება.

"ინტერპრესნიუსი"