18
მარტიდღის ზოგადი ასტროლოგიური პროგნოზი
ირკუტსკის ავტობუსის მგზავრები უკვე 2 თვეა, თვალყურს ადევნებენ იდუმალებით მოცულ მამაკაცს, რომელიც ყოველდღიურად, ერთსა და იმავე დროს, გაჩერებაზე ყვავილებით ხელში დგას. 33 წლის ვიტალი შახნაზაროვი №80 ავტობუსს ელოდება, სადაც მან გოგონა გაიცნო.
"შემთხვევით დავეჯახე, გავიცინეთ და მერე საუბარში შევყევით. ამ გაჩერებაზე ჩამოვედით, გავისეირნეთ და დავთქვით, რომ მომდევნო დღეს შევხვდებოდით. მე მისთვის ნომრის გამორთმევა დამავიწყდა, თუმცა მაინც მოვედი დანიშნულების ადგილას და საღამოს 10 საათამდე ველოდი" - აცხადებს ვიტალი.
როდესაც მარიანა არ მოვიდა, მამაკაცმა ფიცი დადო, რაც არ უნდა მომხდარიყო, მაინც იპოვიდა მას. მან განცხადება ყველა ინტერნეტ-ფორუმზე განათავსა, თავად კი უკვე ორი თვეა, ყოველდღე მიდის იმ გაჩერებაზე, სადაც პირველად (და ჯერჯერობით უკანასკნელად) მარიანა ნახა.
"ვიცი, რომ ის ამ რაიონში ცხოვრობს. ყველა ქუჩა შემოვიარე, მაგრამ უშედეგოდ. ღმერთს ვევედრები, მას ისევ შემახვედროს. მჯერა, რომ ერთხელაც გამიმართლებს" - ამბობს შეყვარებული რომანტიკოსი.
იხილეთ ვიდეო: მამაკაცი საყვარელ ქალს ავტობუსის გაჩერებაზე 2 თვეა ელოდება
მომზადებულია lifenews.ru-ს მიხედვით
