24
მარტიდღის ზოგადი ასტროლოგიური პროგნოზი
ავტომობილის დაზღვევა პლიუს ვიდეო რეგისტრატორი, - ეს სადაზღვევო კომპანია "აი სი ჯგუფის" ახალი პროდუქტია.
კომპანია მომხმარებელს უნიკალურ სადაზღვევო პროდუქტს სთავაზობს. "აი სი ჯგუფში" შეძენილ ავტოდაზღვევის მფლობელს სრულიად უფასოდ გადასცემენ ავტომობილის ვიდეორეგისტრატორს. კამერა მოძრაობის დროს იწერს ყველაფერს, რაც კი ხდება მგზავრობის პერიოდში და ინახავს მიკრო ჩიპზე. ეს კი სადაზღვევო შემთხვევის დადგომისას, ამარტივებს კომპანიისთვის გადაწყვეტილების მიღების პროცესს, ხოლო დაზღვეულისთვის ანაზღაურების პროცედურას.
"ავტოდაზღვეულებს კომპანია ერთი წლის განმავლობაში უსასყიდლოდ დაუმონტაჟებს ვიდეოკამერას. თუ სადაზღვევო შემთხვევა მოხდება, ჩვენ შეგვიძლია ამ კამერების საშუალებით აღნიშნული შემთხვევა გავანაალიზოთ და მარტივად და სწრაფად ავანაზღაუროთ. ეს ყველაფერი კომფორტულია როგორც კომპანიისთვის, ასევე მომხმარებლისთვის, რადგან პროდუქტი ძალიან ამარტივებს მიდგომებს", - აღნიშნა "აი სი ჯგუფის" საცალო ბიზნეს განვითარების დირექტორმა ირაკლი დოკაძემ.
პროდუქტის შეძენა შეუძლია ყველას, ვისი ავტომობილის ღირებულებაც 4000 დოლარს აჭარბებს. ტარიფები კი კომპანიაში არსებული ავტოდაზღვევის ტარიფებისგან არ განსხვავდება.
R
_2019-10-08_RxpzhSG0MIT5YR.jpg)
