28
მარტიდღის ზოგადი ასტროლოგიური პროგნოზი
მსახიობმა ლინდსი ლოჰანმა სასამართლო სხდომაზე, რომელზეც მისი ბედი წყდებოდა, დააგვიანა. მიუხედავად ლოჰანის ადვოკატის მცდელობისა, სასამართლომ მსახიობი დამნაშავედ სცნო და სამი თვით სარეაბილიტაციო კლინიკაში გამოკეტა.
სასამართლოში ავარიის საქმე განიხილებოდა, რომელშიც მსახიობი შარშან მოჰყვა. ლოჰანი "პორშეს" მარკის ავტომობილით პაპარაცისგან თავის დაღწევას ცდილობდა და სხვა მანქანას დაეჯახა. გოგონა დანაშაულის ადგილიდან მიიმალა, მოგვიანებით კი განმარტა, რომ გადაღებაზე აგვიანდებოდა. პოლიციაში მის წინააღმდეგ საქმე აღიძრა. ბრალდებამ მტკიცებულება წარმოადგინა, რომ მსახიობი საჭესთან ნასვამი იჯდა და მის დასასჯელად ყველაზე მკაცრი ზომები მოითხოვა.
საბოლოო სხდომა 18 მარტს დაინიშნა. ლინდსიმ კი მასზე 1 საათით დაიგვიანა. რეისი, რომლითაც მსახიობი ნიუ-იორკიდან ლოს-ანჯელესში უნდა გადაფრენილიყო, გადაიდო და მსახიობს კერძო თვითმფრინავის დაქირავება მოუხდა.
ლინდსი სასამართლოს შენობის წინ თეთრი ტანსაცმლით გამოჩნდა. მას გაშემო ფოტოგრაფები და თაყვანისმცემლები შემოეხვივნენ. ერთ-ერთმა გულშემატკივარმა ლოჰანის წინ ოქროსფერი ბრჭყვიალა საფანტი მიმოფანტა. ლინდსიმ მის ქვეშ ვარსკვლავივით გაიარა.
მსახიობი მუქი სათვალის ქვეშ იღიმებოდა. სასამართლო დარბაზში კი მისი მოხსნა მოუწია და ნათელი გახდა, რომ იგი საკმაოდ ცუდად გამოიყურებოდა.
მომზადებულია .starslife.ru-ს მიხედვით.
