25
მარტიდღის ზოგადი ასტროლოგიური პროგნოზი
ჩინურმა ყოველთვიურმა ჟურნალმა Hurun Report-მა მსოფლიოში ყველაზე მდიდარი ადამიანების, მილიარდერებით დასახლებული ქალაქებისა და ქვეყნების სია წარმოადგინა.
აღმოჩნდა, რომ რუსეთის დედაქალაქში მსოფლიოში ყველაზე მეტი მილიარდერი ცხოვრობს. მოსკოვში 76 მილიარდერი სახლობს. რეიტინგში მეორე ადგილი ნიუ-იორკს ერგო, სადაც 70 მილიარდერია, მესამეზე ჰონგ-კონგია 54 მილიარდერით, მეოთხე პოზიცია პეკინს ერგო 41 მილიარდერით და ტოპ-ხუთეული დააგვირგვინა ლონდონმა 40 მილიარდერით.
მსოფლიოში ყველაზე მდიდარი კაცი მექსიკელი ბიზნესმენი კარლოს სლიმია. ის მექსიკის დედაქალაქ მეხიკოში ცხოვრობს და სატელეკომუნიკაციო ბიზნესშია ჩართული. კარლოსის კაპიტალი 66 მილიარდ დოლარს აღწევს.
რუსი ბიზნეს მაგნატი ალიშერ უსმანოვი მოსკოვის ყველაზე მდიდარი ბინადარია. მისი ქონება 19 მილიარდ დოლარს აღწევს.
ასე გადანაწილდა სხვადასხვა ქალაქში მცხოვრები მილიარდერების სია. რაც შეეხება უმდიდრესი ადამიანებით დასახლებულ ქვეყნებს. ამ მხრივ უდავო ლიდერია შეერთებული შტატები, სადაც საერთო ჯამში 409 მილიარდერი ცხოვრობს. მეორე პოზიცია ჩინეთმა დაიკავა 317 მილიარდერით. მესამეა რუსეთი - 88 მილიარდერით. მეოთხე ადგილზე გერმანია გავიდა, სადაც 61 მილიარდერი ცხოვრობს. მეხუთე პოზიცია ბრიტანეთს ერგო 56 მილიარდერით.
რაც შეეხება კონტინენტებს, აზია მსოფლიოში ყველაზე მდიდარი კონტინენტია. აზიაში 609 მილიარდერი ცხოვრობს. 440 მილიარდერს შეხვდებით ჩრდილოეთ ამერიკაში და 324 მილიარდერითაა დასახლებული ევროპა.
ქვეყნები, სადაც ყველაზე მეტი მილიარდერი ცხოვრობს:
1. ამერიკის შეერთებული შტატები - 409 მილიარდერი
2. ჩინეთი - 317 მილიარდერი
3. რუსეთი - 88 მილიარდერი
4. გერმანია - 61 მილიარდერი
5. ბრიტანეთი - 56 მილიარდერი
6. ინდოეთი - 53 მილიარდერი
7. შვეიცარია - 41 მილიარდერი
8. ბრაზილია - 33 მილიარდერი
9. საფრანგეთი - 31 მილიარდერი
10. თურქეთი - 31 მილიარდერი
11. კანადა - 22 მილიარდერი
12. იაპონია - 22 მილიარდერი
13. ავსტრია - 17 მილიარდერი
14. სამხრეთ კორეა -17 მილიარდერი
15. ავსტრალია - 16 მილიარდერი
16. იტალია - 14 მილიარდერი
17. ესპანეთი - 14 მილიარდერი
18. ნიდერლანდი - 12 მილიარდერი
19. ინდონეზია - 11 მილიარდერი
20. სინგაპური - 11 მილიარდერი
ქალაქები, სადაც ყველაზე მეტი მილიარდერი ცხოვრობს:
1. მოსკოვი - 76 მილიარდერი
2. ნიუ-იორკი - 70 მილიარდერი
3. ჰონგ-კონგი - 54 მილიარდერი
4. პეკინი - 41 მილიარდერი
5. ლონდონი - 40 მილიარდერი
6. სტამბოლი - 26 მილიარდერი
7. მუმბაი - 24 მილიარდერი
8. შანხაი - 24 მილიარდერი
9. პარიზი - 23 მილიარდერი
10. ტაიბეი - 22 მილიარდერი
მომზადებულია Hurun Report-ის მიხედვით.
