24
მარტიდღის ზოგადი ასტროლოგიური პროგნოზი
კომპანია "სოკარი" ქსელს აფართოვებს. კომპანიის ცნობით, ავტოგასამართი ქსელის რიგით მე-100 და 101-ე, ხოლო ავტოგაზგასამართი სადგურების რიგით მე-2 და მე-3 ავტოგაზგასამართი სადგურები დღეს გაიხსნება.
"ახალი ავტოგაზგასამართი სადგურები აღჭურვილია არგენტინული ბრენდის Galileo-ს ბოლო თაობის გაზ-საკომპრესორო დანადგარებით, რომლებიც მომხმარებლის ავტომობილში გაზის სწრაფ და უსაფრთხო ჩატუმბვას უზრუნველყოფენ. ბუნებრივი აირის მაღალტექნოლოგიურ კომპრესორს საკომპრესორო შენობა არ სჭირდება, ვინაიდან ის მოთავსებულია მიკრობოქსში, რომელიც აღჭურვილია უახლესი ხანძარსაწინააღმდეგო და დაცვითი ტექნოლოგიით", - აცხადებენ კომპანიაში.
"სოკარის" ავტოგაზგასამართ სადგურზე მომხმარებლები სპეციალური სერვის-ბლოკებით ისარგებლებენ, სადაც მათ საბურავების წნევის რეგულირებას, ავტომობილში წყლის დამატებას, სალონის ამოწმენდასა და სხვა სერვისებს შესთავაზებენ. გარდა ამისა, კახეთის გზატკეცილის ავტოგაზგასამართ სადგურზე ახალი მარკეტი ამოქმედდება, რომელიც მომხმარებელს 24 საათის განმავლობაში მოემსახურება.
ობიექტებზე სულ 25 ადამიანი დასაქმდება.
"სოკარის" ავტოგაზგასამართ სადგურებს, სხვა სტუმრებთან ერთად, "სოკარ ენერჯი ჯორჯია"-ს გენერალური დირექტორი, მაირ მამედოვი გახსნის.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
