25
მარტიდღის ზოგადი ასტროლოგიური პროგნოზი
რუსეთის კრიმინალურმა სამსახურმა, მოსკოვის ოლქის პოლიციასთან ერთად, ე.წ. კანონიერი ქურდი ჯემალ მიქელაძე, მეტსახელად "ჯემო" ნარკოტიკული საშუალებების რეალიზების ბრალდებით დააკავეს. ამის შესახებ რუსული მედია იუწყება.
გავრცელებული ინფორმაციით, ერთ-ერთი ვერსიით, ის რამდენიმე კვირის წინ მოკლული კრიმინალური ავტორიტეტის, ასლან უსოიანის, იგივე "დედ ჰასანის" მკვლელობის შემკვეთია.
"დაკავებულია ე.წ. კანონიერი ქურდი, ე.წ. სამხრეთ ოსეთის მკვიდრი, 1975 წელს დაბადებული ჯემალ მიქელაძე. მას ბრალი ედება ნარკოტიკული საშუალებების რეალიზებაში", - ნათქვამია მოსკოვის ოლქის კრიმინალური სამსახურის ოფიციალურ ვებგვერდზე განთავსებულ განცხადებაში.
როგორც რუსული პრესა იუწყება, დაკავებისას მიქელაძეს აღმოუჩინეს 5 გრამი ჰეროინი და ორი ხელყუმბარა. ასევე, უკანონოდ გაცემული რუსეთის პასპორტი.
რუსული მედიის ინფორმაციით, ქართველი კრიმინალური ავტორიტეტები ჯემალ და მამუკა მიქელაძეები ასლან უსოიანზე თავდასხმაში ეჭვმიტანილები ჯერ კიდევ 2010 წლის სექტემბერში იყვნენ. მაშინ "დედ ჰასანს" საკუთარ სადარბაზოსთან ესროლეს. თავდასხმის შედეგად, უსოიანი ცოცხალი გადარჩა. მოგვიანებით, მოსკოვის კრიმინალურმა პოლიციამ მამუკა მიქელაძე დააკავა, რომელსაც 4,8 გრამი ჰეროინი აღმოუჩინეს.
