28
მარტიდღის ზოგადი ასტროლოგიური პროგნოზი
ტელეკომპანია "ტაბულა" სრულფასოვან მაუწყებლობაზე 15 მარტამდე გადავა, ამჟამად, მისი დაჭერა სახლის ანტენითაა შესაძლებელი, ორ სამ დღეში კი მას საკაბელო ტელევიზიები "სილქნეტი" და "კავკაზუსი" ჩართავენ. ტელევიზიის საკუთარ პაკეტში ჩართვაზე "აიეტმა" უარი თქვა. ამის შესახებ ჟურნალ "ტაბულას" მთავარი რედაქტორი თამარ ჩერგოლეიშვილი სოციალურ ქსელ "ფეისბუქში" წერს.
"ბევრი მწერს და ერთიანად გიპასუხებთ: საკაბელო მაუწყებლებს არხი ჯერ არ ჩაურთავს, ცხადია იქნება სილკზეც და კავკასუსზეც - ორ -სამ დღეში. კაბელის გარეშე, "ჩვეულებრივი" ანტენით დაიჭერთ - მე მაგალითად თითით დავიჭირე :)
ჩავთვალეთ, რომ უმჯობესი იქნებოდა დავრწმუნებულიყავით რომ ხარვეზების გარეშე გავდივართ და შემდეგ "მივწვდომოდით" იმ 170 000 ოჯახს, რომელიც საკაბელო მომსახურებით სარგებლობს.
ჯერჯერობით მხოლოდ საერთაშორისო ამბები და ქართული "ალტერნატიული" (ანუ, არა ესტრადა :) მუსიკა გადის.
მას შემდეგ რაც ჩვენს საბოლოო მისამართზე რემონტი დასრულდება, სტუდიები გაიმართება და დავფუძნდებით, სრულფასოვან მაუწყებლობაზე გადავალთ. ეს სავარაუდოდ თებერვლის ბოლოს მოხდება, უკიდურეს შემთხვევაში ტაბულას დაბადების დღეს, 15 მარტს არ გადავაცილებთ.
ძირითად სამაუწყებლო დროს თოქშოუები წაიღებს. თემები: პოლიტიკა, ეკონომიკა, მუსიკა, კინო, მსოფლიო რელიგიები, ახალი და უახლესი ისტორია, სპორტი, პოლიტიკური სატირა და ასე შემდეგ"-, წერს გიგა ბოკერიას მეუღლე.
"სასაცილო ამბავი: აიეტი ტაბულას ვერ რთავს, ადგილი არ მაქვსო.
რა უნდა ვქნა, კერძო კომპანიაა, როცა "ხოში" ექნება, ჩაგვრთავს. პატივს ვცემ მათ თავისუფალ არჩევანს.
მაგრამ ამ შემთხვევაშიც ტრადიციას ვართმევ ერს. ამ დროს ლოკალური მედიის წარმომადგენლები თმას იშლიან, ხელისუფლებისკენ ხელს იშვერენ და პოლიტიკურ ზეწოლაზე ყვირიან ხოლმე არა?",-დასძენს ჩერგოლეიშვილი.
